Saturday, October 3, 2020
അപവാദത്തിന് ലഭിച്ച പ്രതിഫലം
അപവാദത്തിന് ലഭിച്ച പ്രതിഫലം
ഒരിക്കൽ ഒരിടത്ത്, ധർമിഷ്ഠനും ദാനധർമ്മങ്ങൾ ചെയ്യുന്നതിൽ ഉത്തമനുമായ ഒരു രാജാവുണ്ടായിരുന്നു. അദ്ദേഹം ബ്രാഹ്മണരെ സ്വീകരിച്ച് , അവർക്ക് അന്നവസ്ത്രാദികൾ നൽകി ഉപചരിക്കുന്നതിൽ വളരെയധികം പ്രസിദ്ധിയാർജ്ജിച്ചിരുന്നു.
ഒരു ദിവസം, അദ്ദേഹം പുരോഹിതന്മാർക്ക് ഭോജനം നൽകിക്കൊണ്ടിരിക്കേ, ഒരു പരുന്ത് ചത്ത പാമ്പിനെ നഖങ്ങളിൽ പിടിച്ച് മുകളിലൂടെ പറന്നു. ചത്ത പാമ്പിന്റെ വായിൽ നിന്ന് രാജാവ് വിതരണം ചെയ്യുന്ന ഭക്ഷ്യ പദാർത്ഥത്തിലേക്ക് ഒരു തുള്ളി വിഷം പതിച്ചു. സംഭവിച്ചതൊന്നുമറിയാതെ രാജാവും,തന്റെ അന്നദാനം തുടർന്നു. അബദ്ധവശാൽ, രാജാവിൽ നിന്ന് വിഷം കലർന്ന ഭോജനം കഴിക്കാനിടയായ ബ്രാഹ്മണരെല്ലാം പരലോകം പൂകി, ഇതറിഞ്ഞ രാജാവ് അതീവദുഖിതനായി.
ഭക്ഷണത്തിൽ വിഷം കലർന്നതു മൂലം, നിരപരാധികളായ ബ്രാഹ്മണർ മരണപ്പെട്ടതിന്റെ പാപകർമ്മം ആർക്കാണ് കോടുക്കേണ്ടതെന്ന കാര്യത്തിൽ,ജീവജാലങ്ങൾക്ക് കർമ്മം വിതരണം ചെയ്യാനുള്ള സേവനമനുഷ്ഠിക്കുന്ന ചിത്രഗുപ്തന് ഒരു ആശയക്കുഴപ്പമുണ്ടായി. യഥാർത്ഥത്തിൽ ഇത് രാജാവിന്റെ തെറ്റല്ല ; കാരണം ഭക്ഷണത്തിൽ വിഷം കലർന്ന കാര്യം അദ്ദേഹത്തിനജ്ഞാതമായിരുന്നു. പാമ്പ് സ്വന്തം ഭക്ഷണമായിരുന്നതിനാൽ അതിനെയെടുത്തു പറന്നത് പരുന്തിന്റെ തെറ്റല്ല. എല്ലാറ്റിലുമുപരി ചത്ത പാമ്പിന്റെ വായിൽ നിന്ന് വിഷത്തുള്ളി വീണതിന് അതിനേയും പഴി ചാരാനാവില്ല . ഈ സമസ്യക്ക് ഉത്തരം തേടി അദ്ദേഹം യമരാജനെ സമീപിച്ചു. ഇത് ശ്രവിച്ച യമരാജൻ അൽപനേരം ചിന്തയിലാണ്ടു." ഇതിനുത്തരം അധികം താമസിയാതെ ലഭിക്കും. അതുവരെ ക്ഷമിക്കുക"എന്ന് അരുളിച്ചെയ്തു.
ഒരു നാൾ, രാജാവിനെ കാണാനായി മറ്റു ചില ബ്രാഹ്മണന്മാർ രാജ്യത്തിൽ പ്രവേശിച്ചു.റോഡിനരികിൽ ഇരിക്കുകയായിരുന്ന ഒരു സ്ത്രീയോട് അവർ ആരാഞ്ഞു “രാജാവിന്റെ കൊട്ടാരം എവിടെയാണെന്നും എങ്ങനെ അവിടെയെത്താമെന്നും ഞങ്ങൾക്ക് പറഞ്ഞുതരാമോ?" അവൾ ശരിയായ ദിശയിലേക്ക് വിരൽ ചൂണ്ടി. എന്നിട്ട് ഇപ്രകാരം പറഞ്ഞു . “എന്നാൽ, വളരെ ശ്രദ്ധാലുവായിരിക്കുക, രാജാവ് ബ്രാഹ്മണരെ കൊല്ലുന്നതായി അറിയപ്പെടുന്നു!”അവൾ അപ്രകാരം രാജാവിനെ നിരുപാധികം വിമർശിച്ച നിമിഷം, ആ നിമിഷം ചിത്രഗുപ്തൻ ബ്രാഹ്മണരുടെ മരണകാരണത്തിന്റെ കർമ്മം (ബ്രഹ്മഹത്യാപാപത്തിന്റെ ഫലം) അവൾക്ക് നൽകി!
കഥയുടെ ഗുണപാഠം:
നിങ്ങൾ ആരെയെങ്കിലും വിമർശിക്കുകയും അവരുടെ പ്രവൃത്തികളെക്കുറിച്ച് നിങ്ങൾ പറഞ്ഞത് ശരിയാകുന്ന പക്ഷം,അവരുടെ പാപ കർമ്മത്തിന്റെ പകുതിഫലം നിങ്ങൾക്ക് ലഭിക്കും; പക്ഷേ, അവരുടെ പ്രവൃത്തികളെക്കുറിച്ച് നിങ്ങൾ പറഞ്ഞത്ശരിയല്ലാത്ത പക്ഷം അവരുടെ പാപകർമ്മത്തിന്റെ 100% വും നിങ്ങൾക്ക് ലഭിക്കും.
മറ്റ് ആളുകളെയും ഭക്തരെയും കുറിച്ച് നമ്മൾ എന്താണ് ചിന്തിക്കുന്നതെന്നോ പറയുന്നതെന്നോ ഉള്ളതിൽ ശ്രദ്ധാലുവായിരിക്കാൻ ഈ കഥ നമ്മെ പ്രചോദിപ്പിക്കും.
തവളയുടെ അന്ത്യം സ്വന്തം വായിലൂടെ
"രാത്രിയുടെ ഇരുട്ടിൽ ഒരു സർപ്പത്തിന് അതിന്റെ ഇരയായ തവളയെ അതിന്റെ കരച്ചിൽ കേട്ട് കണ്ടുപിടിക്കാൻ കഴിയും. തവളയുടെ സന്തോഷത്തോടെയുള്ള കരച്ചിൽ കേട്ടാലുടൻ, അവിടെയൊരു തവളയുണ്ടെന്നു മനസിലാക്കുന്ന പാമ്പ് അവിടേക്കിഴഞ്ഞു ചെന്ന് അതിനെ പിടികൂടുന്നു. അനാവശ്യമായി ശബ്ദസ്പന്ദനമുണ്ടാക്കി മരണത്തെ വിളിച്ചുവരുത്തുന്ന വ്യക്തികളുടെ കാര്യത്തിൽ ഈ ഉദാഹരണം ചിലപ്പോൾ ഉപയോഗിക്കാറുണ്ട്. നാവിന്റെയും ശബ്ദത്തിന്റെയും ഉപയോഗം ഹരേ കൃഷ്ണ, ഹരേ കൃഷ്ണ, കൃഷ്ണ കൃഷ്ണ, ഹരേ ഹരേ ഹരേ രാമ, ഹരേ രാമ, രാമ രാമ, ഹരേ ഹരേ എന്ന മന്തജപത്തിനാണ് ഏറ്റവും ഉദാത്തമാവുക. അത് ക്രൂരമായ മരണത്തിന്റെ കരങ്ങളിൽ നിന്ന് ഒരുവനെ രക്ഷിക്കും."
(ഭാവാർത്ഥം / ശ്രീമദ് ഭാഗവതം 3.29.29)
ഹരേ കൃഷ്ണ !
🔆🔆🔆🔆🔆🔆🔆🔆🔆🔆🔆🔆🔆🔆🔆🔆
ഹരേ കൃഷ്ണ ഹരേ കൃഷ്ണ കൃഷ്ണ കൃഷ്ണ ഹരേ ഹരേ
ഹരേ രാമ ഹരേ രാമ രാമ രാമ ഹരേ ഹരേ
🔆🔆🔆🔆🔆🔆🔆🔆🔆🔆🔆🔆🔆🔆🔆🔆
ഹരേ കൃഷ്ണ 🙏
ഇതുപോലെയുള്ള ആത്മീയ വിഷയങ്ങൾ വായിക്കുവാനായി താഴെക്കാണുന്ന ലിങ്ക് പിൻതുടരുക .
ശുദ്ധ ഭക്തി വാട്സ്ആപ്പ് ഗ്രൂപ്പ്
.jpg){kind=small}
ശ്രീല ബലദേവ വിദ്യാഭൂഷണർ
ശ്രീല ബലദേവ വിദ്യാഭൂഷണർ
അവതരണം/ വിവർത്തനം - ശുദ്ധഭക്തി വൃന്ദം
ശ്രീല ബലദേവവിദ്യാഭൂഷണർ പതിനെട്ടാം നൂറ്റാണ്ടിലെപ്പോഴോ ഒഡീഷയിലാണ് ജനിച്ചത്. വളരെ ചെറുപ്പത്തിൽ തന്നെ അദ്ദേഹം വ്യാകരണം, കാവ്യസാഹിത്യം,അലങ്കാരശാസ്ത്രം,തർക്കശാസ്ത്രം ആദിയായവയുടെ പഠനം പൂർത്തിയാക്കി തീർഥാടനത്തിനായി യാത്രതിരിച്ചു.
അദ്ദേഹത്തിന്റെ യാത്രയ്ക്കിടയിൽ ശ്രീ രസികാനന്ദ ദേവരുടെ മുതിർന്ന ശിഷ്യനായ ശ്രീ രാധാ ദാമോദര ദേവ ഗോസ്വാമിയെ കണ്ടുമുട്ടി, അദ്ദേഹവുമായി തത്വശാസ്ത്രം ചർച്ചചെയ്തു. രാധാ ദാമോദര ദേവർ ഗൗഢീയ വൈഷ്ണവ തത്വശാസ്ത്രത്തിന്റെ രത്നചുരുക്കം ശ്രീ ചൈതന്യ മഹാപ്രഭു വ്യാഖ്യാനിച്ച അതേ പ്രകാരം വിശദീകരിച്ചു. ചൈതന്യ മഹാപ്രഭുവിന്റെ പരിമിതികളില്ലാത്ത കരുണയെ കുറിച്ച് പര്യാലോചിക്കുവാൻ വേണ്ടി അപേക്ഷിച്ചു.
വളരെ കുറഞ്ഞ കാലയളവിൽ, അദ്ദേഹം ഗൗഢീയ വൈഷ്ണവ തത്ത്വ ശാസ്ത്രത്തിൽ നിപുണനായി. ശ്രീ വിശ്വനാഥ ചക്രവർത്തി ഠാക്കൂറരുടെ ശിക്ഷണത്തിൽ ഇതിനെക്കുറിച്ച് കൂടുതൽ പഠിക്കുന്നതിനായി അദ്ദേഹം വൃന്ദാവനത്തിലേക്കു മാറി. ശ്രീ വിശ്വനാഥ ചക്രവർത്തി ഠാക്കൂർ അദ്ദേഹത്തിന് അചിന്ത്യ ഭേദാഭേദ തത്വത്തെ കുറിച്ച് ശിക്ഷണം നൽകി.
ഒരു നാൾ , ജയ്പൂരിലെ രാജകീയ കോടതിയിൽ ഗൗഢീയ സമ്പ്രദായവുമായി ബന്ധപ്പെട്ട ഒരു സംഭവത്തെക്കുറിച്ച് രാമാനുജ സമ്പ്രദായത്തിലുള്ളവർ ഒരു തർക്കം ആരംഭിച്ചു. വൈദിക ധർമ്മത്തിന്റെ പ്രധാനപ്പെട്ടതും, വെളിവാക്കപ്പെട്ടതുമായ ശാസ്ത്രമായ വേദാന്തസൂത്രത്തിന് ഗൗഢീയ വൈഷ്ണവ സമ്പ്രദായത്തിൽ ഭാഷ്യമില്ല(വ്യാഖ്യാനമില്ല) എന്ന് അവർ രാജാവിനെ അറിയിച്ചു. അതിനാൽ അവർക്ക് സിദ്ധാന്തമോ ശരിയായ സമ്പ്രദായമോ ഇല്ല.പരിണിത ഫലമായി അവർ ഗോവിന്ദ, ഗോപിനാഥ വിഗ്രഹങ്ങളുടെ സേവകൾ ഉപേക്ഷിക്കണം. എന്നിട്ട് വിശ്വാസയോഗ്യമായ യഥാർത്ഥ സമ്പ്രദായത്തിൽനിന്ന് വന്നിട്ടുള്ളവർക്ക് അത് ചുമതലപ്പെടുത്തണം. ആ സമയത്ത് ജയ്പൂരിലെ രാജാവ് ഗൗഢീയ സമ്പ്രദായം പിൻതുടരുന്ന ആളായിരുന്നു. ഗൗഢീയ സമ്പ്രദായത്തിൽ വേദാന്തത്തിന് യഥാർത്ഥത്തിൽ ഭാഷ്യം ഉണ്ടോ എന്ന് അറിയുന്നതിനായി അദ്ദേഹം ഉടനെ തന്നെ ഈ വാഗ്വാദവിഷയത്തിന്റെ സന്ദേശ൦ വൃന്ദാവനത്തിലുള്ള വിശ്വനാഥ ചക്രവർത്തി ഠാക്കൂറിനു തന്റെ ദൂതന്റെ കൈവശം കൊടുത്തയച്ചു. ഇനി അത് ഉണ്ടെങ്കിൽ തന്നെ,രാമാനുജ സമ്പ്രദായത്തിലുള്ള പണ്ഡിതന്മാരുടെ തൃപ്തികരമായ സൂക്ഷ്മപരിശോധനയ്ക്ക് വേണ്ടി ഉടൻതന്നെ അത് ജയ്പൂരിലേക്ക് കൊടുത്തയയ്ക്കുവാൻ വേണ്ടി രാജാവ് ആഗ്രഹിച്ചു.
ആ സമയത്ത് ശ്രീ വിശ്വനാഥ ചക്രവർത്തി വൃദ്ധനും വളരെ ബലഹീനനും ആയിരുന്നു. അദ്ദേഹത്തിന് ജയ്പൂരിലേക്കുള്ള ക്ലേശാവഹമായ യാത്ര അസാധ്യമായിരുന്നതിനാൽ, തന്റെ ശിഷ്യനും വിദ്യാർത്ഥിയുമായ ശ്രീബലദേവരെ തനിക്ക് പകരം ജയ്പൂരിലെക്കു അയച്ചു. സുപ്രധാനമായ സകല ഗ്രന്ഥങ്ങളിലും വിദഗ്ധനായ ഒരു പണ്ഡിതനായിരുന്നു ബലദേവർ. രാമാനുജ സമ്പ്രദായത്തിൽ നിന്നുള്ള ഒരു വലിയ കൂട്ടം പണ്ഡിതന്മാരുടെ നടുക്കുവെച്ച് പണ്ഡിതോചിതമായ വാദപ്രതിവാദത്തിൽ തന്നോടൊപ്പം വാഗ്‌വാദത്തിൽ ഏർപ്പെടാൻ അദ്ദേഹം എല്ലാവരെയും വെല്ലുവിളിച്ചു. രാമാനുജ സമ്പ്രദായത്തിൽ നിന്നുള്ളവരുമായി ഗംഭീരമായ ആരവത്തോടെ നീണ്ടതും കഠിനവുമായ ഒരു തർക്കപരമ്പര നടന്നു. എന്നിട്ടും ഒരാൾക്കുപോലും അദ്ദേഹത്തിന്റെ നിർണായകമായ പ്രസ്താവനകൾക്കും, തീഷ്ണമായ പാണ്ഡിത്യത്തിനും, കുശാഗ്രബുദ്ധിക്കും മുന്നിൽ പിടിച്ചുനിൽക്കാനായില്ല. ഗൗഢീയ സമ്പ്രദായത്തിലെ സ്ഥാപകനായ ശ്രീ ചൈതന്യ മഹാപ്രഭു ശ്രീമദ് ഭാഗവത ത്തെ വേദാന്തത്തിന്റെ ഏറ്റവും ഉന്നതമായ ഭാഷ്യമായി സ്ഥിരീകരിച്ചിട്ടുണ്ടെന്ന് ബലദേവർ വാദിച്ചു. 'ഭാഷ്യാണാം ബ്രഹ്മസൂത്രാണാം' - 'വേദാന്തത്തിൻറെ സ്വാഭാവികമായ ഭാഷ്യം' എന്ന് ഭാഗവതം തന്നെ അവകാശപ്പെടുന്നുണ്ട് . ജീവ ഗോസ്വാമിയുടെ ഷഡ് സന്ദർഭത്തെ അടിസ്ഥാനമാക്കിയുള്ള പ്രമാണത്തിൽ നിന്ന് ഇത് വീണ്ടും സ്ഥിരീകരിക്കുന്നു. അതിനാൽ ഗൗഢീയ സമ്പ്രദായ൦, ശ്രീമദ്ഭാഗവതത്തെ, വേദാന്തത്തിന്റെ പ്രഥമമായ ഭാഷ്യമായി അംഗീകരിക്കുകയും;വേറെ ഭാഷ്യത്തിന്റെ ആവശ്യകത ഇല്ല എന്ന് വീക്ഷിക്കുകയും ചെയ്യുന്നു.
ആ സന്ദർഭത്തിൽ രാമാനുജ സമ്പ്രദായത്തിൽ നിന്നുള്ള പണ്ഡിതർ ആക്രോശിച്ചു. "ഇതിനു ഭാഷ്യം ഇല്ല എന്ന് ഇദ്ദേഹം അംഗീകരിക്കുന്നു!ഇവരുടെ കൈവശം ഭാഷ്യം ഇല്ല!" വേറെ നിവൃത്തിയില്ലാതിരുന്നതിനാൽ കുറച്ചു ദിവസങ്ങൾക്കകം വേദാന്തസൂത്രത്തിന്റെ ഗൗഢീയ ഭാഷ്യം അവർക്ക് കാണിച്ചു കൊടുക്കാമെന്ന് ശ്രീ ബലദേവർ അവരോട് പ്രതിജ്ഞ ചെയ്തു. അങ്ങിനെ ഒരു വസ്തു നിലനിൽകുന്നുണ്ടോ എന്നതിനെക്കുറിച്ച് ചിന്തിച്ച് പണ്ഡിതന്മാർ ആശ്ചര്യചകിതരായി. ഇത് ഏതെങ്കിലും തരത്തിലുള്ള ഒരു തന്ത്രം ആയിരിക്കും എന്ന് അവർ സംശയിച്ചു. എന്നാൽ തൽക്കാലം അവർ മൗന൦ പാലിച്ചു.
അസ്വസ്ഥമായ മനസോടെ ശ്രീബലദേവർ,ശ്രീ രൂപഗോസ്വാമിയുടെ വിഗ്രഹമായ ശ്രീ ഗോവിന്ദരുടെ ക്ഷേത്രത്തിലേക്ക് പോയി.വിഗ്രഹത്തിനു മുന്നിൽ സാഷ്ടാംഗ പ്രണാമമർപ്പിച്ചതിനുശേഷം നടന്ന എല്ലാ കാര്യങ്ങളും ഭഗവാനെ അറിയിച്ചു. ആ രാത്രി സ്വപ്നത്തിൽ ശ്രീ ഗോവിന്ദ൯ അദ്ദേഹത്തോട് പറഞ്ഞു ."നീ ആ ഭാഷ്യം രചിക്കണം. ഭാഷ്യം വ്യക്തിപരമായി ഞാൻ തന്നെ അംഗീകരിക്കുന്നതാണ്. അതിൽ ആർക്കും ഒരു തെറ്റും കണ്ടെത്താനാവില്ല". ഈ സ്വപ്നം കണ്ടതോടെ ബലദേവർ ആനന്ദത്തിലാറാടി. അദ്ദേഹത്തിന് പൂർണമായ മനഃശക്തി ലഭിച്ചു; ഏറ്റെടുത്ത ചുമതലക്കായി തയ്യാറായി. അതിനുശേഷം അദ്ദേഹം ഗോവിന്ദന്റെ പാദ കമലങ്ങൾ ധ്യാനിച്ചുകൊണ്ട് അദ്ദേഹത്തിന്റെ ഭാഷ്യം എഴുതാൻ തുടങ്ങി. കുറച്ച് ദിവസങ്ങൾക്കകം അത് പൂർത്തിയായി. ഈ ഭാഷ്യം പിന്നീട് വേദാന്ത വ്യാഖ്യാനത്തിന്റെ ഗോവിന്ദഭാഷ്യം എന്നറിയപ്പെട്ടു.
ഗോവിന്ദഭാഷ്യം പ്രസിദ്ധീകരിച്ചതിനു ശേഷം അതിന്റെ അനുബന്ധത്തിൽ ശ്രീബലദേവർ ഇങ്ങനെ എഴുതിച്ചേർത്തു-
വിദ്യാരൂപം ഭൂഷണം യെ പ്രദയേ,ഖതി൦ നിത്യേ തേനോ യോ മമുദരഹ, ശ്രീ ഗോവിന്ദ സ്വപ്ന നിർദ്ദിഷ്ഠ ഭാഷ്യയെ, രാധാബന്ധുരംഗഹ സ ജിയത്.
എല്ലാ മഹത്വങ്ങളും ശ്രീ ഗോവിന്ദനിൽ ചേരട്ടെ. അദ്ദേഹത്തിന്റെ കരുണയാൽ എന്റെ സ്വപ്നത്തിലൂടെ ഈ ഭാഷ്യം അദ്ദേഹം എനിക്ക് വെളിപ്പെടുത്തി തന്നു. അദ്ദേഹം വെളിപ്പെടുത്തി തന്ന ഈ ഭാഷ്യം പ്രത്യേകിച്ച് എല്ലാ മഹാ പണ്ഡിതരും അഭിനന്ദിച്ചു. ഇതിന്റെ ഫലമായാണ് എനിക്ക് വിദ്യാഭൂഷൺ എന്ന പേര് നൽകപ്പെട്ടത്. ശ്രീ ഗോവിന്ദൻ ആണ് എല്ലാ ബഹുമതിക്കു൦ അർഹതപ്പെട്ടിരിക്കുന്നത്. ശ്രീ രാധികയുടെ ഏറ്റവും പ്രിയപ്പെട്ട ജീവനും ആത്മാവും ആയ ശ്രീ ഗോവിന്ദന് എല്ലാ വിജയങ്ങളും ഭവിക്കട്ടെ ".
ഗോവിന്ദഭാഷ്യം കയ്യിലെടുത്ത് ബലദേവർ രാജസദസ്സിൽ എത്തി. അവിടെ പണ്ഡിതന്മാരെല്ലാം അദ്ദേഹത്തെ കാത്തിരിക്കുകയായിരുന്നു. അദ്ദേഹം അവർക്ക് അദ്ദേഹത്തിന്റെ വ്യാഖ്യാനം കാണിച്ചു കൊടുത്തപ്പോൾ അവരെല്ലാം നിശബ്ദരായി പോയി. ഗൗഢീയ സമ്പ്രദായം വിജയിച്ചതായി പ്രഖ്യാപിക്കപ്പെട്ടു. രാജാവും ഗൗഢീയ വൈഷ്ണവരേവരും ആനന്ദതുന്ദിലരായി. ആ സമയം അദ്ദേഹത്തിന്റെ ഉത്കൃഷ്ടമായ(മഹനീയമായ) പാണ്ഡിത്യത്തിന്റ ബഹുമാനാർത്ഥം പണ്ഡിതന്മാർ ശ്രീബല ദേവന് 'വിദ്യാഭൂഷണ' അല്ലെങ്കിൽ 'അറിവ് ആഭരണമായിട്ടുള്ളവൻ' എന്ന നാമം നൽകി. ശക കാലഘട്ടത്തിലെ 1628മത്തെ വർഷം ആയിരുന്നു അത്. ആ ദിവസം മുതൽ വേദാന്തസൂത്രത്തിന്റെ അത്ഭുതാവഹമായ ഭാഷ്യത്തിനു ആത്യന്തികമായ ഉത്തരവാദിയായ, ഗൗഢീയ വൈഷ്ണവരുടെ വാത്സല്യഭാജന വിഗ്രഹം ആയ, ശ്രീ ഗോവിന്ദന്റെ ആരതിക്ക് എല്ലാവരും തന്നെ പങ്കെടുക്കണമെന്ന് രാജാവ് ഉത്തരവിട്ടു.
രാമാനുജ പണ്ഡിതന്മാർ ശ്രീബലദേവവിദ്യാഭൂഷണന്റെ സ്വാധീനത്തിൽ വീണ് അദ്ദേഹത്തെ അവരുടെ ആചാര്യനായി സ്വീകരിച്ചു മാത്രമല്ല അദ്ദേഹത്തിന്റ ശിഷ്യന്മാരാവാൻ ആഗ്രഹിച്ചു. നാല് സമ്പ്രദായങ്ങളിൽ വെച്ച് ശ്രീ സമ്പ്രദായ൦ ഒരു അംഗീകരിക്കപ്പെട്ട സമ്പ്രദായമാണ്, അവിടെ ഭഗവാനോടുള്ള സേവാ മനോഭാവ൦ ഏറ്റവും നല്ല ധാർമിക രീതിയാണ് എന്ന് പഠിപ്പിക്കുന്നുണ്ടെന്ന് വിശദീകരിച്ചുകൊണ്ട് വളരെ വിനയത്തോടുകൂടി ബലദേവവിദ്യാഭൂഷണർ ആ അപേക്ഷ നിരസിച്ചു. ഗൗഢീയ സമ്പ്രദായത്തിലെ വീക്ഷണങ്ങളെ ഉയർത്തിപ്പിടിക്കുക വഴി അദ്ദേഹം ശ്രീ സമ്പ്രദായത്തിന് യാതൊരു അനാദരവും കാണിച്ചില്ല.ശ്രീ സമ്പ്രദായത്തെ അപമാനിക്കുന്നത് ഏറ്റവും വലിയ അപരാധമായിരിക്കും എന്ന് അദ്ദേഹം പറഞ്ഞു.
തന്റെ വിജയത്തിന്റെ സന്ദേശവുമായി ശ്രീപാദ ബലദേവവിദ്യാഭൂഷണർ ജയ്പൂരിൽ നിന്ന് വൃന്ദാവനത്തിലേക്ക് മടങ്ങി. അദ്ദേഹത്തിന്റെ മടക്കയാത്രയിൽ ശ്രീ വിശ്വനാഥ ചക്രവർത്തി ഠാക്കൂറരുടെ പാദകമലങ്ങളിൽ സ്വയം സമർപ്പിതനായി ഈ വാർത്ത അദ്ദേഹത്തെ അറിയിച്ചു. സന്ദർശകരായ എല്ലാ വൈഷ്ണവരും വൃന്ദാവന വാസികളും ഹർഷ പുളകിതരായി. ശ്രീ വിശ്വനാഥ ചക്രവർത്തി ഠാക്കൂർ അദ്ദേഹത്തിന്റെ അനുഗ്രഹാശിസ്സുകൾ ബലദേവ വിദ്യാഭൂഷണരുടെ മേൽ വർഷിച്ചു.
🔆🔆🔆🔆🔆🔆🔆🔆🔆🔆🔆🔆🔆🔆🔆🔆
ഹരേ കൃഷ്ണ ഹരേ കൃഷ്ണ
കൃഷ്ണ കൃഷ്ണ ഹരേ ഹരേ
ഹരേ രാമ ഹരേ രാമ
രാമ രാമ ഹരേ ഹരേ
🔆🔆🔆🔆🔆🔆🔆🔆🔆🔆🔆🔆🔆🔆🔆🔆
ഹരേ കൃഷ്ണ 🙏
ഇതുപോലെയുള്ള ആത്മീയ വിഷയങ്ങൾ വായിക്കുവാനായി ഗൂഗിൾ പ്ലേസ്റ്റോറിൽ നിന്ന് ടെലഗ്രാം ആപ്ലിക്കേഷൻ ഇൻസ്റ്റാൾ ചെയ്യുക അതിനു ശേഷം താഴെക്കാണുന്ന ലിങ്ക് പിൻതുടരുക .
ടെലഗ്രാം
🔆🔆🔆🔆🔆🔆🔆🔆
വെബ്സൈറ്റ്
🔆🔆🔆🔆🔆🔆🔆🔆
വൈഷണവ അപരാധം
വൈഷണവ അപരാധം
ഒരു വൈഷ്ണവനോട് അപരാധം ചെയ്യുന്നതിലൂടെ ഒരുവൻ അവന്റെ എല്ലാ ആദ്ധ്യാത്മിക പ്രവർത്തനങ്ങളും അവസാനിപ്പിക്കുന്നുമവെന്ന് ശ്രീചൈതന്യ മഹാപ്രഭു പറഞ്ഞിട്ടുണ്ട്.വൈഷ്ണവനോടുളള അപരാധം മദയാനയുടെ അപരാധമായി പരിഗണിക്കപ്പെടുന്നു. വളരെയേറെ അദ്ധ്വാനം കൊണ്ട് വികസിപ്പിച്ചെടുത്ത മനോഹരമായ ഒരു മലർവാടി പൂർണമായുംഒരു മദയാനയ്ക്ക് നശിപ്പിക്കാൻ കഴിയും. ഒരുവന് ഭക്തിയുതസേവനത്തിന്റെ അത്യുന്നത തലം പ്രാപിക്കാൻ കഴിഞ്ഞേക്കാം, പക്ഷേ ഏതെങ്കിലും വിധത്തിൽ ഒരു വൈഷ്ണവനോട് അപരാധം ചെയ്തുപോയാൽഅവൻ കെട്ടിപ്പൊക്കിയതെല്ലാം തകർന്നടിയും. രഹൂഗണ രാജാവ് ബോധപൂർവമല്ലാതെ ജഡഭരതനോട് തെറ്റു ചെയ്തുപോയെങ്കിലും, അവന്റെ സദ്ബുദ്ധികൊണ്ട് അവൻ മാപ്പപേക്ഷിച്ചു. ഒരുവന് വൈഷ്ണവാപരാധത്തിൽ നിന്ന് വിടുതൽ നേടാനുള്ള പ്രക്രിയ ഇതാണ്. കൃഷ്ണൻ, സ്വാഭാവികമായും കാരുണ്യമുളളവനും എപ്പോഴും ലാളിത്യമാർന്നവനുമാണ്. ഒരുവൻ ഒരു വൈഷ്ണവ പാദത്തിൽ അപരാധം ചെയ്തുപോയാൽ അപ്പോഴേ ക്ഷമാപണം നടത്തണം. അങ്ങനെ ചെയ്താൽ അവന്റെ ആദ്ധ്യാത്മിക പുരോഗതിക്ക് ദോഷമുണ്ടാകില്ല.
(ഭാവാർത്ഥം/ ശ്രീമദ് ഭാഗവതം 5.10.24)
Subscribe to:
Posts (Atom)