ശ്രീ കേവലാഷ്ടകം

മധുരം മധുരേഭ്യോ£ പി

മംഗളേഭ്യോ£ പി മംഗളം 

പാവനം പാവനേഭ്യോ£ പി 

ഹരേർ നാമൈവ കേവലം

മാധുര്യമുള്ളവയിൽ ഏറ്റവും മാധുര്യമേറിയതും, മംഗളകരമായുള്ളവയിൽ  ഏറ്റവും മംഗളകരമായതും പാവനമായുള്ളവയിൽ ഏറ്റവും പാവനമായതുമായ ശ്രീഹരിയുടെ തിരുനാമം മാത്രമാണ് ഏക ആശ്രയം 

ആ  ബ്രഹ്മ സ്തംബ പര്യന്തം 

സർവം മായാ മയം ജഗത് 

സത്യം സത്യം പുനഃസത്യം

ഹരേർ നാമൈവ കേവലം 

ഈ പ്രപഞ്ചത്തിലെ അതിശ്രേഷ്ഠനായ ബ്രഹ്മാവ് മുതൽ എളിയ പുൽക്കൊടി വരെ എല്ലാം തന്നെയും പരമപുരുഷനായ ഭഗവാന്റെ മായാശക്തിയുടെ ഉത്പന്നങ്ങളാണ്. ഭൗതിക പ്രപഞ്ചത്തിൽ ഒന്ന് മാത്രം സത്യം.  അത് ശ്രീഹരിയുടെ തിരുനാമമാണ്.

സ ഗുരു സ പിതാ ചാ £ പി 

സ മാതാ ബന്ധുവോ £ പി സഃ

ശിക്ഷയേത് സദാ സ്മർത്തും 

ഹരേർ നാമൈവ കേവലം

ശ്രീഹരിയുടെ തിരുനാമമാണ് ഏക ആശ്രയമെന്ന് നമ്മെ പഠിപ്പിക്കുന്ന ഒരുവനാണ് യഥാർത്ഥ ഗുരു, യഥാർത്ഥ പിതാവ്, യഥാർത്ഥ മാതാവ്, യഥാർത്ഥ സുഹൃത്ത് എന്നീ പദവികൾക്ക് യോഗ്യതയുള്ളത്.

നിശ്വാസേ നഹി വിശ്വാസഃ 

കദാ രുദ്ധ്യോ ഭവിഷ്യതി 

കീർത്തനീയ മതോ ബാല്യാദ് 

ഹരേർ നാമൈവ കേവലം 

എപ്പോഴാണ് നമ്മുടെ ഭൗതിക ആസൂത്രണങ്ങൾക്കെല്ലാം അന്ത്യവിരാമമിട്ട് അന്ത്യശ്വാസം വലിക്കുന്നതെന്ന് യാതൊരു നിശ്ചയവുമില്ല. അതിനാൽ ബാല്യകാലം മുതൽക്കേ ഏക ആശ്രയമായ  ശ്രീഹരിയുടെ തിരുനാമകീർത്തനം ചൊല്ലുന്നതാണ് വിവേകം

ഹരി സദാ വസേത് തത്ര

യത്ര ഭാഗവതാ ജനാഃ

ഗായന്തി ഭക്തി ഭാവേന 

ഹരേർ നാമൈവ കേവലം

ശ്രീഹരിയുടെ തിരുനാമം മാത്രമാണ് ഏക ആശ്രയമെന്ന്  മനസ്സിലാക്കിയ ആദ്ധ്യാത്മിക പുരോഗതിയാർജ്ജിച്ച ഉത്കൃഷ്ടരായ ഭാഗവത ജനങ്ങൾ ശുദ്ധഭക്തിഭാവത്തിൽ ഹരിനാമകീർത്തനം ചെയ്യുന്നിടത്തു ശ്രീഹരി സദാ വസിക്കുന്നു.

 

അഹോ ദുഃഖം മഹാ ദുഃഖം

ദുഃഖാദ് ദുഃഖതരം യതഃ

 കാചാർത്തം വിസ്മൃതം രത്ന 

ഹരേർ നാമൈവ കേവലം 

അഹോദുഃഖം! മഹാദുഃഖം! ദുഃഖങ്ങളിൽ ദുഃഖതരമായത് വെറും കണ്ണാടിച്ചില്ലെന്നും തെറ്റിദ്ധരിച്ചു വിലമതിക്കാനാവാത്ത ഹരിനാമ രത്നത്തെ ഏവരും വിസ്മരിക്കുന്നതാണ്.  ശ്രീഹരിയുടെ തിരുനാമം മാത്രമാണ് ഏക ആശ്രയം

ദീയതാം ദീയതാം കർണോ

നീയതാം നീയതാം വചഃ 

ഗീയതാം ഗീയതാം നിത്യം

ഹരേർ നാമൈവ കേവലം 

ശ്രീഹരിയുടെ തിരുനാമം കർണ്ണങ്ങൾകൊണ്ട് നിരന്തരം ശ്രവിക്കുകയും ശബ്ദത്താൽ നിത്യവും ആലപിക്കുകയും ചെയ്യണം. കാരണം ശ്രീഹരിയുടെ തിരുനാമം മാത്രമാണ് ഏക ആശ്രയം

തൃണീ കൃത്യ ജഗത് സർവം 

രാജതേ സകലാ£ പരം 

ചിദാനന്ദ മയം ശുദ്ധം

ഹരേർ നാമൈവ കേവലം

സകല  പ്രപഞ്ചങ്ങളേയും പുൽക്കൊടിക്ക് തുല്യം നിസ്സാരവത്ക്കരിക്കുന്നതും, എല്ലാറ്റിനുമുപരിയായി ശോഭയോടെ വാഴുന്നതും ശാശ്വതവും ആനന്ദപൂർണ്ണവും പരമശുദ്ധവുമായ ശ്രീഹരിയുടെ തിരുനാമം മാത്രമാണ് ഏക ആശ്രയം

🔆🔆🔆🔆🔆🔆🔆🔆🔆🔆🔆🔆🔆🔆🔆🔆

ഹരേ കൃഷ്ണ ഹരേ കൃഷ്ണ കൃഷ്ണ കൃഷ്ണ ഹരേ ഹരേ

ഹരേ രാമ ഹരേ രാമ രാമ രാമ ഹരേ ഹരേ

🔆🔆🔆🔆🔆🔆🔆🔆🔆🔆🔆🔆🔆🔆🔆🔆

ഹരേ കൃഷ്ണ 🙏

ഇതുപോലെയുള്ള ആത്മീയ വിഷയങ്ങൾ വായിക്കുവാനായി താഴെക്കാണുന്ന ലിങ്ക് പിൻതുടരുക .

ശുദ്ധ ഭക്തി വാട്സ്ആപ്പ് ഗ്രൂപ്പ് ,

 ശുദ്ധ ഭക്തി ടെലഗ്രാം ഗ്രൂപ്പ്  

 www.suddhabhaktimalayalam.com