മുൻകാലജീവിതം
കിഴക്കൻ ബംഗാളിലെ ഒരു ബ്രാഹ്മണ കുടുംബത്തിലാണ് രൂപ ഗോസ്വാമി ജനിച്ചത്. അദ്ദേഹത്തിന് നാല് സഹോദരന്മാരും ഒരു സഹോദരിയുമുണ്ടായിരുന്നു. അദ്ദേഹവും അദ്ദേഹത്തിന്റെ രണ്ട് സഹോദരന്മാരായ, സനാതൻ, അനുപം- എന്നിവരും കൃഷ്ണന്റെ ശുദ്ധ ഭക്തരായിരുന്നു. യഥാർത്ഥ ത്തിൽ അമർ , സന്തോഷ് , ശ്രീവല്ലഭൻ എന്നിവയായിരുന്നു മാതാപിതാക്കൾ അവർക്കു നൽകിയിരുന്ന നാമങ്ങൾ.
രൂപനും സനാതനനും വേദഗ്രന്ഥ പഠനത്തിൽ മികവ് പുലർത്തി, ഭക്തിപരമായ ഗുണങ്ങളാൽ ആകർഷിതരായ ജനങ്ങൾ അവരെ അത്യധികം സ്നേഹിച്ചു. രൂപ ഗോസ്വാമി വേദചരിത്രത്തെക്കുറിച്ച് പുസ്തകങ്ങൾ എഴുതി, ശ്രീമദ് ഭാഗവതം ചൊല്ലുന്നതിനിടെ സനാതനൻ പതിവായി കണ്ണുനീർ വാർത്തു. ഈ രണ്ടു സഹോദരന്മാരും രാജ-ഷിഷ്ട അഥവാ പഠന രാജാക്കന്മാർ എന്നറിയപ്പെട്ടു . ജനങ്ങൾക്ക് ഇവരോടുള്ള ഇഷ്ടം മുസ്‌ലിം ഭരണാധികാരി നവാബ് ഹുസൈൻ ഷായുടെ ശ്രദ്ധ ആകർഷിച്ചു.
സർക്കാർ സേവനം
രൂപനേയും സനാതനെയും തന്റെ കീഴിൽ സേവനമനുഷ്ഠിക്കുന്നതിനായി , നവാബ് അവരെ മാനസീക സമ്മർദ്ദത്തിലാക്കുവാനായി തീരുമാനിച്ചു. തന്റെ പക്ഷത്ത് അവർ ഉണ്ടെങ്കിൽ ആളുകളെ നിയന്ത്രിക്കുന്നത് എളുപ്പമാണെന്ന് അദ്ദേഹം കരുതി. അദ്ദേഹം സഹോദരങ്ങളോട് ആജ്ഞാപിച്ചു, "ഈ സംസ്ഥാനം ഭരിക്കാൻ സഹായിക്കാൻ എന്റെ വലംകൈകളായി നിങ്ങൾ വേണമെന്ന് ഞാൻ ആഗ്രഹിക്കുന്നു. നിങ്ങൾ സമ്മതിക്കുന്നില്ലെങ്കിൽ, ഞാൻ നിങ്ങളുടെ കുടുംബത്തെ മുഴുവൻ നാട്ടിൽ നിന്ന് പുറത്താക്കുകയും ഭക്തരെ കഠിനമായി ശിക്ഷിക്കുകയും ചെയ്യും." അവരുടെ കുടുംബത്തെയും സുഹൃത്തുക്കളെയും സംരക്ഷിക്കുന്നതിന്, മറ്റു മാർഗ്ഗമില്ലാത്തതിനാൽ ഈ ആവശ്യങ്ങൾക്ക് അവർ വഴങ്ങേണ്ടി വന്നു.
അവരുടെ സമർപ്പണത്തിൽ സന്തോഷിച്ച നവാബ് അവർക്ക് വലിയ ധനം നൽകി. രൂപ ഗോസ്വാമിയ്ക്ക് സ്വകാര്യ കാര്യദര്ശി ' ഡബിർ ഖാസ് ' എന്ന പദവി നൽകി. സനാതന ഗോസ്വാമീയെ നികുതി മന്ത്രി ' സകര മല്ലിക്ക് എന്നാണ് വിളിച്ചിരുന്നത്. സർക്കാർ സേവനത്തിലേക്ക് നിർബന്ധിതരായിട്ടും രണ്ടു സഹോദരന്മാരും കൃഷ്ണനെ മറന്നില്ല. പതിതാത്മാക്കളുടെ രക്ഷകനായ ശ്രീ ചൈതന്യ മഹാപ്രഭുവിന്റെ രൂപത്തിൽ തങ്ങളുടെ നാഥനെ കണ്ടുമുട്ടാൻ കഴിയുന്ന ദിവസത്തിനായി അവർ കൊതിച്ചു.
പുനഃസമാഗമം
ശ്രീ ചൈതന്യ ജഗന്നാഥ പുരിയിലാണ് താമസിക്കുന്നതെന്ന് അറിഞ്ഞ രൂപയും സനാതനും അവരുടെ നിലപാട് വിശദീകരിച്ച് നിരവധി കത്തുകൾ എഴുതി. ഒരു ദിവസം സർവ്വശക്തനും കരുണാമയനുമായ ഭഗവാൻ ഭൗതികജീവിതത്തിന്റെ ദുരിതത്തിൽ നിന്ന് അവരെ രക്ഷിക്കുകയും അവരെ വീണ്ടും തന്റെ സേവനത്തിൽ ഉൾപ്പെടുത്തുകയും ചെയ്യുമെന്ന് അവർ പ്രതീക്ഷിക്കുകയും പ്രാർത്ഥിക്കുകയും ചെയ്തു.
താമസിയാതെ അവരുടെ പ്രാർത്ഥനകൾക്ക് ഉത്തരം ലഭിച്ചു. ആയിരക്കണക്കിന് അനുയായികളുമായി വൃന്ദാവനിലേക്ക് യാത്ര ചെയ്യുമ്പോൾ ചൈതന്യ മഹാപ്രഭു വഴിമാറി സഞ്ചരിച്ചു. സഹോദരന്മാരെ നിയോഗിച്ച സ്ഥലത്ത് നിന്ന് കുറച്ചുദൂരം അകലെയുള്ള രാമകേളിയിൽ അദ്ദേഹം ലക്ഷ്യബോധത്തോടെ തൻ്റെ യാത്ര അവസാനിപ്പിച്ചു.രൂപ ഗോസ്വാമിയും. സനാത ഗോസ്വാമിയും ഉയർന്ന മുസ്‌ലിം ഉദ്യോഗസ്ഥരായി പ്രവർത്തിക്കുന്നത് കൊണ്ട്, ശ്രദ്ധ ആകർഷിക്കാതിരിക്കാൻ സാധാരണക്കാരായി വേഷംമാറാൻ അവർ തീരുമാനിച്ചു. ഇളയ സഹോദരൻ അനുപമിനെയും കൂട്ടി അര്ദ്ധ രാത്രിയിൽ രാമകേളിയിലേക്ക് തിരക്കിട്ട് പുറപ്പെട്ടു.
അവിടെയെത്തിയ അവർ ഭക്തജനക്കൂട്ടത്തിലൂടെ വേഗത്തിൽ നീങ്ങി. ഭഗവാനെ കണ്ട അവർ താഴ്മയുടെ അടയാളമായി പല്ലിനിടയിൽ വൈക്കോൽ വച്ച് സാഷ്ടാഗം നമസ്കരിച്ചു. ശ്രീ ചൈതന്യ പരമാനന്ദത്തോടെ പ്രഖ്യാപിച്ചു. "നിങ്ങൾ എന്റെ നിത്യദാസന്മാരാണ്, ജന്മജന്മാന്തരങ്ങളായി, അവരെ ഉയർത്തി നെഞ്ചിലേക്ക് ചേർത്ത് ആലിംഗനം ചെയ്തു. "ശ്രീകൃഷ്ണൻ നിങ്ങളെ ഉടൻ മോചിപ്പിക്കുമെന്ന് എനിക്ക് ഉറപ്പുണ്ട്." എല്ലാ ഭക്തരും ഇത് കണ്ട് സന്തോഷിച്ചു. ഹ്രസ്വമായ പുനഃ സമാഗമത്തിനുശേഷം സഹോദരന്മാർ ഭവനത്തിലേക്ക് മടങ്ങി.
ജീവിതദൗത്യം
ഏതാനും മാസങ്ങൾക്കുശേഷം ശ്രീ ചൈതന്യ വൃന്ദാവനത്തിലെ തീർത്ഥാടനത്തിൽ നിന്ന് ജഗന്നാഥ പുരിയിലേക്ക് മടങ്ങുകയായിരുന്നു. അക്കാലത്ത് രൂപ ഗോസ്വാമിക്കും അനുപമനും തങ്ങളുടെ ലൗകിക ഉത്തരവാദിത്തങ്ങൾ ഉപേക്ഷിച്ച് ഭഗവാന്റെ സങ്കീർത്തസംഘത്തിൽ ചേരാൻ കഴിഞ്ഞു. തന്റെ ചുമതലകളിൽ നിന്ന് മോചിപ്പിക്കാൻ നവാബ് വിസമ്മതിച്ചതിനാൽ സനാതനന് പ്രതീക്ഷച്ചതിലും വൈകിയാണ് ഭഗവാന്റെ സങ്കീർത്തസംഘത്തിൽ ചേരാൻ കഴിഞ്ഞത്. ജയിലിൽ നിന്ന് രക്ഷപ്പെട്ടതിനു ശേഷമാണ് പുരിയിൽ ഭഗവാനോടൊപ്പം ചേരാൻ സനാതന് കഴിഞ്ഞത്. ഇതിന് തൊട്ടുപിന്നാലെ അനുപമൻ ഭൗതിക ശരീരം ത്യജിച്ചു.
പുരിയിലായിരിക്കുമ്പോൾ, രൂപ, സനാതൻ ഗോസ്വാമികൾ ശ്രീ ചൈതന്യയിൽ നിന്ന് നേരിട്ട് കൃഷ്ണാവബോധത്തിന്റെ ശാസ്ത്രത്തിൽ നിരവധി പാഠങ്ങൾ സ്വീകരിച്ചു. അങ്ങനെ അവർ വളരെയധികം പുരോഗമിക്കുകയും നിയോഗിക്കപ്പെട്ട ഭക്തരാവുകയും ചെയ്തു.
ഏറ്റവും പ്രയാസകരമായ ജോലികൾ ഭഗവാൻ അവരെ ഏൽപ്പിച്ചു. "സഹോദരന്മാരേ, ദയവായി വൃന്ദാവനത്തിൽ പോയി മറഞ്ഞിരിക്കുന്ന പുണ്യസ്ഥലങ്ങൾ കണ്ടെത്തുക, രാധയ്ക്കും കൃഷ്ണനുമായി മനോഹരമായ ക്ഷേത്രങ്ങൾ നിർമ്മിക്കുക, ഞാൻ നിങ്ങളെ പഠിപ്പിച്ച ഭക്തിനിർഭരമായ വിഷയങ്ങളെക്കുറിച്ച് പുസ്തകങ്ങൾ എഴുതുക." ഈ രീതിയിൽ രണ്ട് ഗോസ്വാമികൾക്കും അവരുടെ ജീവിത ദൗത്യം നൽകി- അവർ വൃന്ദാവനത്തിലേക്ക് പുറപ്പെട്ടു.
മലയിലെ വിഗ്രഹം
വൃന്ദാവനത്തിൽ കാര്യങ്ങൾ ആരംഭിക്കുന്നത് എളുപ്പമായിരുന്നില്ല. തങ്ങൾ എങ്ങുമെത്തുന്നില്ലെന്ന് രൂപ ഗോസ്വാമിക്കും സനാതന ഗോസ്വാമിക്കും തോന്നി. ഒരു ദിവസം, എന്തു ചെയ്യണമെന്ന് അറിയാതെ അവർ യമുന നദിയുടെ തീരത്ത് ഇരിക്കുകയായിരുന്നു.
അപ്പോൾ സുന്ദരനായ ഒരു കുട്ടി അവരെ സമീപിച്ചു. "എന്തുകൊണ്ടാണ് നിങ്ങൾ വളരെ സങ്കടത്തോടെ കാണുന്നത്?" അവൻ ചോദിച്ചു. "ക്ഷേത്രങ്ങൾ പണിയുക, രാധയുടെയും കൃഷ്ണന്റെയും ആരാധന സ്ഥാപിക്കുക എന്നതാണ് ഞങ്ങളുടെ ദൗത്യം, പക്ഷേ എങ്ങനെ ആരംഭിക്കണമെന്ന് അറിയുന്നില്ല" എന്ന് രൂപ മറുപടി പറഞ്ഞു. "എന്നെ അനുഗമിക്കുക," ആ കുട്ടി ആംഗ്യം കാണിച്ചു.
ഒരു ചെറിയ കുന്നിലേക്ക് അവരെ നയിച്ച് കുട്ടി വിശദീകരിച്ചു, "എല്ലാ ദിവസവും ഒരു പശു ഇവിടെ വന്ന് ഈ കുന്നിൻമുകളിൽ അവളുടെ പാൽ ചൊരിയുന്നു. പാൽ ഭൂമിയിലൂടെ ഒഴുകുകയും മറഞ്ഞിരിക്കുന്ന മനോഹരമായ ഒരു കൃഷ്ണ വിഗ്രഹത്തെ പോഷിപ്പിക്കുകയും ചെയ്യുന്നു. മുസ്ലീം ആക്രമണ സമയത്ത് അവിടെ മറഞ്ഞിരുന്ന ഭഗവാനെ ഗോവിന്ദദേവ് എന്ന് വിളിക്കുന്നു. ഇത് പറഞ് കുട്ടി പെട്ടെന്ന് അപ്രത്യക്ഷനായി.
സഹോദരന്മാർ ആശ്ചര്യപ്പെട്ടു, കഥ ശരിയാണോ എന്നറിയാൻ രൂപ ഗോസ്വാമി പിന്നിൽ കാത്തുനിന്നു. കുട്ടി വിവരിച്ചതുപോലെ പശു വന്ന് അവളുടെ പാൽ ചൊരിയുന്നത് അദ്ദേഹം കണ്ടു. ആൺകുട്ടിയുടെ കഥയിൽ ബോധ്യപ്പെട്ട രൂപ ചില ഗ്രാമീണരെ വിളിച്ച് അവിടെ കുഴിക്കാൻ അഭ്യർത്ഥിച്ചു. അധികം താമസിയാതെ, കൃഷ്ണന്റെ മനോഹരമായ ഒരു കറുത്ത വിഗ്രഹം കണ്ടെത്തി. അത് ഗോവിന്ദദേവ് ആയിരുന്നു, എല്ലാവരും അമ്പരന്നു.
ഈ വാർത്ത എല്ലായിടത്തും പ്രചരിച്ചു, രൂപയ്ക്ക് ധാരാളം അനുയായികൾ ലഭിച്ചു. ക്ഷേത്ര നിർമ്മാണത്തിനായി ധാരാളം ചെങ്കല്ലുകൾ സംഭാവന ചെയ്ത ശക്തനായ മഹാരാജാവ് മാൻ സിങ്ങും അക്കൂട്ടത്തിലുണ്ട്. ശക്തനായ ചക്രവർത്തി അക്ബറും പൂർണ്ണ പിന്തുണ നൽകി. ഏഴ് നിലകളുള്ള മനോഹരമായ ഒരു ക്ഷേത്രം നിർമ്മിക്കാൻ അവർ സഹായിച്ചു, ഇത് ഇന്ത്യയിലെ മുഴുവൻ വാസ്തുവിദ്യയുടെയും ഏറ്റവും മികച്ച ഉദാഹരണമായി പ്രസിദ്ധമായി.
ഒരു നൂറ്റാണ്ടിനുശേഷം മുസ്ലീം സ്വേച്ഛാധിപതിയായ ഔറംഗസേബ് അസൂയയാൽ പ്രകോപിതനായി ക്ഷേത്രത്തിന്റെ ശിഖരം നശിപ്പിച്ചു. ശേഷിച്ച ആകർഷകമായ ക്ഷേത്രം ഇപ്പോഴും വൈഷ്ണവന്മാരെ സംബന്ധിച്ചിടത്തോളം വിലമതിക്കപ്പെട്ട തീർത്ഥാടന സ്ഥലമാണ്.
രാധാറാണിയുടെ പായസം
ശ്രീ രൂപ ശ്രീ സനാതൻ ഗോസ്വാമിമാർ നിരന്തരം ഭക്തിസേവനത്തിൽ മുഴുകി. അവരുടെ മന്ത്രോച്ചാരണവും പ്രായോഗിക ചുമതലകളും കഴിഞ്ഞുള്ള സമയം കൃഷ്ണ കഥക്കായി മാറ്റിവച്ചു.
കൃഷ്ണന്റെയും രാധാറാണിയുടെയും ലീലകളെക്കുറിച്ച് സംസാരിക്കുന്നത് അവരുടെ ജീവിതവും ആത്മാവുമായിരുന്നു. മണിക്കൂറുകളോളം കൃഷ്ണനെക്കുറിച്ച് ചർച്ച ചെയ്യുന്നതിൽ അവർ വളരെയധികം സന്തോഷം കണ്ടെത്തി.
ദിവസവും അവർ രാവിലെ കണ്ടുമുട്ടി, വളരെ ആവേശത്തോടെ അത്തരം സംഭാഷണത്തിൽ ഏർപ്പെട്ടു. കൂടുതൽ കൂടുതൽ സംസാരിക്കുമ്പോൾ കൃഷ്ണന്റെ മധുരമുള്ള വിനോദങ്ങൾ അവരുടെ മനസ്സിനെ മോഷ്ടിച്ചു. "എന്റെ ആത്മീയ വഴികാട്ടിയായ എന്റെ ജ്യേഷ്ഠൻ ഇന്ന് പ്രസാദം കഴിച്ചിട്ടില്ല " എന്ന് രൂപ ഗോസ്വാമി ചിന്തിച്ചപ്പോൾ ഉച്ച കഴിഞ്ഞിരുന്നു.
എനിക്ക് എങ്ങനെ പ്രസാദം കൊടുക്കാൻ പറ്റും? ഇങ്ങനെ ചിന്തിച്ചിരിക്കുമ്പോൾ അതി സുന്ദരിയായ ഒരു പെൺകുട്ടി അദ്ദേഹത്തെ സമീപിച്ച്‌ പറഞ്ഞു
"പ്രിയ ഭക്തരേ, നിങ്ങളുടെ ചർച്ച തടസ്സപ്പെടുത്തിയതിന് ക്ഷമിക്കൂ, പക്ഷേ ഭക്ഷണമോ പാനീയമോ ഇല്ലാതെ നിങ്ങൾ വളരെ നേരമായി ഇവിടെ ഇരിക്കുന്നത് എന്റെ അമ്മ ശ്രദ്ധിച്ചു. കുറച്ച് അരിയും പാലും പഞ്ചസാരയും തന്നയച്ചിട്ടുണ്ട്. ദയവായി ഇത് കൊണ്ട് എന്തെങ്കിലും പാചകം ചെയ്ത് കൃഷ്ണന് നൈവേദ്യം അർപ്പിച്ച്, പ്രസാദം സ്വീകരിക്കൂ.
കുട്ടിയുടെ മധുരവാക്കുകൾ പകുതി മാത്രമേ ഗോസ്വാമികൾ കേട്ടുള്ളൂ, അവരുടെ ചർച്ച തുടർന്നു. ഭക്തരെ പ്രീതിപ്പെടുത്താൻ ആഗ്രഹിച്ച പെൺകുട്ടി സമീപത്ത് ഒരു അടുപ്പ് കൂട്ടി രുചികരമായ പായസം തയ്യാറാക്കി. അവൾ അത് രൂപ സനാതന ഗോസ്വാമികളുടെ അടുത്ത് കൊണ്ടുപോയി. "പ്രിയപ്പെട്ട ഗോസ്വാമിമാരെ, ഞാൻ നിങ്ങൾക്കായി ഒരു രുചികരമായ പായസം ഉണ്ടാക്കിയിട്ടുണ്ട്. ദയവായി അത് കൃഷ്ണന് നിവേദിച്ച് പ്രസാദം കഴിക്കുക. എന്റെ അമ്മ കാത്തിരിക്കുകയാണ് അതിനാൽ എനിക്ക് ഇപ്പോൾ തന്നെ പോകണം.
രൂപ ഗോസ്വാമി പായസം കൃഷ്ണന് നിവേദിച്ചതിനു ശേഷം സനാതന് ഒരു ഭാഗം നൽകി. സനാതൻ ഗോസ്വാമി പുരിയിലെ ജഗന്നാഥ പ്രസാദവും ചൈതന്യ ദേവന്റെ മഹാപ്രസാദവും കഴിച്ചിട്ടുണ്ട്. അതിനാൽ അത്തരം പ്രസാദം ആസ്വദിക്കുമ്പോൾ ഉള്ള അനുഭവങ്ങളെക്കുറിച്ച് അദ്ദേഹത്തിന് നല്ല പരിചയമുണ്ടായിരുന്നു. പക്ഷേ, രൂപ വിളമ്പിയ പായസം ആസ്വദിച്ചപ്പോൾ, മുമ്പെങ്ങുമില്ലാത്തവിധം പരമാനന്ദത്തിന്റെ തിരമാലകളിൽ അദ്ദേഹം ആറാടി.
അദ്ദേഹം വിളിച്ചുപറഞ്ഞു: എന്റെ പ്രിയ സഹോദരാ, നീ എന്താണ് ചെയ്തത്? "അങ്ങ് എന്താണ് ഉദ്ദേശിക്കുന്നത്? എനിക്ക് മനസ്സിലായില്ല" എന്ന് രൂപ ഗോസ്വാമിഊ മറുപടി പറഞ്ഞു. സനാതൻ തുടർന്നു, "ഞാൻ എന്താണ് ഉദ്ദേശിക്കുന്നത്? !!! രൂപ, എന്നോട് പറയൂ, ഇന്ന് നിങ്ങൾ ഹൃദയത്തിൽ എന്താണ് ആഗ്രഹിച്ചത്?" ആശയക്കുഴപ്പത്തിലായ രൂപ സനാതനെ ഉറ്റുനോക്കി നിഷ്കളങ്കമായി വിശദീകരിച്ചു, "എന്റെ ജ്യേഷ്ഠനും ഗുരുവുമായ അങ്ങേക്ക് എന്തെങ്കിലും കഴിക്കാൻ വേണമെന്ന് ഞാൻ ആഗ്രഹിച്ചു." “അത് തന്നെയാണ്,” സനാതൻ മറുപടി പറഞ്ഞു.
"ആ ആഗ്രഹം നിമിത്തം, ശ്രീമതി രാധാറാണി സ്വയം ഇവിടെയെത്തി സ്വയം പായസം പാചകം ചെയ്തു. കൃഷ്ണനെപ്പോലെ രാധാറാണിയും നമ്മുടെ ആരാധനാമൂർത്തിയാണ്, അജ്ഞത കാരണം നമ്മൾ രാധാറാണിയിൽ നിന്ന് സേവനം സ്വീകരിച്ചു. രൂപ, നമ്മൾ എന്താണ് ചെയ്തത്? നിങ്ങൾ ഒരിക്കലും അത് ഇനി വീണ്ടും ആഗ്രഹിക്കരുത്. ഒരിക്കലും!" വൃന്ദാവത്തിന്റെ രാജ്ഞിയായ ശ്രീമതി രാധാറാണിയുടെ ദയയെക്കുറിച്ച് ചിന്തിച്ചുകൊണ്ട് അവർ സ്നേഹത്തിന്റെ കണ്ണുനീർ വാർത്തു.
പായസം കഴിച്ച അവർ പരമാനന്ദത്തിന്റെ തലത്തിലേക്ക് പ്രവേശിച്ചു. മുമ്പൊരിക്കലും അവർ അത്തരം അവിശ്വസനീയമായ പായസം ആസ്വദിച്ചിട്ടില്ല. എല്ലാം തീരുന്നതുവരെ അവർ ആന്ദാശ്രു പൊഴിച്ചു. പിന്നെ അവർ കളിമൺ പായസ കലം ചെറിയ കഷ്ണങ്ങളാക്കി ഉടച്ച് അതും കഴിച്ചു.
അത്ഭുതകരമായ കദംബവൃക്ഷം
ചൈതന്യ മഹാപ്രഭു നിർദ്ദേശിച്ചതുപോലെ രൂപ സനാതൻ ഗോസ്വാമിമാർ വൃന്ദാവനത്തിലെ മറ്റ് പ്രമുഖ ഭക്തരുടെ സഹായത്തോടെ കൃഷ്ണാവബോധം പുനഃസ്ഥാപിച്ചു. ഒരു ലക്ഷത്തിലധികം ശ്ലോകങ്ങൾ ഉൾക്കൊള്ളുന്ന വലിയൊരു കൂട്ടം സാഹിത്യങ്ങൾ രൂപ ഗോസ്വാമി എഴുതി. അദ്ദേഹത്തിന്റെ ഏറ്റവും പ്രസിദ്ധമായ കൃതികളിലൊന്നാണ് ഭക്തി രസാമൃതസിന്ധു. നന്ദഗ്രാമിലെ ഒരു പ്രത്യേക കദംബവൃക്ഷത്തിന്റെ തണലിലാണ് അദ്ദേഹത്തിന്റെ രചനയുടെ ഭൂരിഭാഗവും നടന്നത്.
രാധയും കൃഷ്ണനും പരസ്പരം വേർപിരിയുന്നതിൽ അനുഭവിച്ച ദുഃഖത്തെക്കുറിച്ച് രൂപ ഗോസ്വാമി എഴുതിയപ്പോൾ, വൃക്ഷം കരയുന്നതുപോലെ ഇലകൾ ഉടനെ ചൊരിയും.
യുഗല-കിശോര സമാഗമിച്ചപ്പോൾ അനുഭവിച്ച സന്തോഷത്തെക്കുറിച്ച് രൂപ ഗോസ്വാമി എഴുതിയപ്പോൾ, കദമ്പ വൃക്ഷത്തിൽ അത്ഭുതകരമായി പുതിയ ഇലകളും പുഷ്പങ്ങളും അങ്കുരിച്ചു.
രാധ ദാമോദർ ക്ഷേത്രത്തിന്റെ മുറ്റത്തുള്ള സേവാ കുഞ്ചിലാണ് രൂപ ഗോസ്വാമിയുടെ സമാധി. കൃഷ്ണ ലീലയിലെ രൂപ-മഞ്ജരിയാണ് അദ്ദേഹം.
ശ്രീ രൂപ ഗോസ്വാമി വിജയിക്കട്ടെ!
ഹരേ കൃഷ്ണ
