ചന്ദന യാത്ര
വേനൽക്കാലത്ത് ക്ഷേത്രങ്ങളിൽ-പ്രത്യേകിച്ച് ഭരതത്തിൽ-ആചരിക്കുന്ന ഇരുപത്തിയൊന്ന് ദിവസത്തെ ഉത്സവമാണ് ചന്ദൻ-യാത്ര. ചന്ദന യാത്രയിൽ ഭക്തർ ഭഗവാന്റെ വിഗ്രഹത്തിൽ തണുപ്പിക്കുന്ന ചന്ദനം കൊണ്ട് ലേപനം ചെയ്യുന്നു.
വൈദിക വർഷം അനുസരിച്ച് അക്ഷയ തൃതീയ, ഏതൊരു കാര്യത്തിലും വിജയിക്കുന്നതിന് അനുകൂലമായ ദിവസമായി കണക്കാക്കപ്പെടുന്നു. പരമ്പരാഗതമായി, അക്ഷയ തൃതീയയുടെ നേട്ടങ്ങളെക്കുറിച്ച് അറിയുന്നവർ ഈ ദിവസം പ്രധാന ജീവിത പരിപാടികൾ-വിവാഹങ്ങൾ, ആത്മീയ ദീക്ഷ, വ്യവസായ സംരംഭങ്ങൾ, ഒരു പുതിയ താമസസ്ഥലം സ്ഥാപിക്കൽ എന്നിവ ആസൂത്രണം ചെയ്യുന്നു.
വൈശാഖ മാസത്തിലെ അമാവാസി കഴിഞ് മൂന്നാം ദിനത്തിലാണ് ചന്ദന യാത്ര ആരംഭിക്കുന്നത്, ഇരുപത് ദിവസം നീണ്ടുനിൽക്കും. ഈ സമയത്ത് ചന്ദന യാത്ര നടത്താൻ ജഗന്നാഥ ഭഗവാൻ ഇന്ദ്രദ്യുമ്ന രാജാവിന് നേരിട്ട് നിർദ്ദേശം നൽകിയിരുന്നു. ഭഗവാന്റെ ശരീരത്തിൽ ലേപനങ്ങൾ പുരട്ടുന്നത് ഭക്തിയുടെ ലക്ഷണമാണ്, ലേപനങ്ങളിൽ ഏറ്റവും ഉത്തമം ചന്ദനമാണ്. ഭാരതത്തിൽ വൈശാഖമാസം കൊടും ചൂടുള്ളതിനാൽ ചന്ദനത്തിന്റെ തണുപ്പ് ഭഗവാന്റെ ശരീരത്തിന് വളരെ ഇഷ്ടമാണ്.
ജഗന്നാഥന്റെ ദേഹമാസകലം ചന്ദനം പുരട്ടി രണ്ട് കണ്ണുകൾ മാത്രമേ കാണുകയുള്ളൂ. ഉത്സവ മൂർത്തികളെ (വിജയ ഉത്സവം) ഘോഷയാത്രയിൽ കൊണ്ടുപോകുകയും ക്ഷേത്രക്കുളത്തിൽ ഒരു വള്ളത്തിൽ സ്ഥാപിക്കുകയും ചെയ്യുന്നു. ഈ ഉത്സവത്തിന്റെ സ്മരണയ്ക്കായി ഭഗവാൻ ചൈതന്യ തന്റെ ഭക്തർക്കൊപ്പം ജല ക്രീഡകളും നടത്തി.
വൃന്ദാവനത്തിലെ അക്ഷയ തൃതീയ ദിനത്തിൽ, ഷഡ്ഗോസ്വാമിമാരാൽ പ്രതിഷ്ഠചെയ്യപ്പെട്ട പ്രധാനപ്പെട്ട എല്ലാ ക്ഷേത്രവിഗ്രഹങ്ങളും ചന്ദനം കൊണ്ട് ലേപനം ചെയ്യുന്നു, ഭഗവാന്റെ തിരുമേനിയിൽ വസ്ത്രങ്ങൾക്ക് പകരം ചന്ദനംകൊണ്ട് അലങ്കാരം ചെയ്യുന്നു. നമ്മളുടെ ഇസ്‌കോൺ വൃന്ദാവൻ ക്ഷേത്രത്തിലും ഈ ഉത്സവം ആഘോഷിക്കപ്പെടുന്നു, സാധാരണയായി 21 ദിവസം ഉത്സവ വിഗ്രഹങ്ങൾ ചന്ദനത്തിൽ പൊതിയും. വൈശാഖം/ജ്യേഷ്ഠ മാസങ്ങളിൽ (മെയ്/ജൂൺ) വേനൽച്ചൂടിൽ നിന്ന് ഭഗവാന് ആശ്വാസം പ്രദാനം ചെയ്യുന്ന ചന്ദനം (ചന്ദന ലേപനം) കൊണ്ട് വിഗ്രഹങ്ങൾ പൂർണ്ണമായും മൂടിയിരിക്കുന്നു.
ഹരേ കൃഷ്ണ 🙏
No comments:
Post a Comment