ഭഗവാന്റെ സൗന്ദര്യം അത്രയ്ക്ക് വശ്യമാകയാൽ പര്യാപ്തമാംവിധം വർണിക്കാൻ സാധ്യമല്ല. ആത്മീയ- ഭൗതിക ലോകങ്ങളിലെ ഭഗവാന്റെ സൃഷ്ടികളിൽ ഏറ്റവും സുന്ദരമായ കാഴ്ച ഭാഗ്യദേവതയാണെന്ന് കരുതപ്പെടുന്നു. താനാണ് ഏറ്റവും സുന്ദരിയെന്നൊരുബോധം അവൾക്കുമുണ്ട്. എന്നിട്ടും, ഭഗവാൻ പ്രത്യക്ഷനായപ്പോൾ അവളുടെ സൗന്ദര്യം നിഷ്പ്രഭമായി. മറ്റുവാക്കുകളിൽ പറഞ്ഞാൽ, ഭഗവാന്റെ സാന്നിധ്യത്തിൽ ഭാഗ്യദേവതയുടെ സൗന്ദര്യം രണ്ടാംകിടയാണ്. ഭഗവാന്റെ സൗന്ദര്യം നൂറു കണക്കിന് ആയിരക്കണക്കിന് കാമദേവന്മാരെ തോൽപ്പിക്കുന്നതാണെന്ന് വൈഷ്ണവ കവികൾ പാടുന്നു. അതിനാൽ അദ്ദേഹം മദനമോഹനൻ എന്നു വിളിക്കപ്പെടുന്നു. ഭഗവാൻ ചില സന്ദർഭങ്ങളിൽ രാധാറാണിയുടെ അഴകിനുപിന്നാലെ ഭ്രാന്തുപിടിച്ചു നടക്കുമെന്നും വിവരിക്കപ്പെട്ടിട്ടുണ്ട്. ഭഗവാൻ മദനമോഹനനാണെങ്കിലും ചില സന്ദർഭങ്ങളിൽ അദ്ദേഹം മദന ദാഹ അഥവാ ശ്രീമതി രാധാറാണിയാൽ ആകർഷിതനാകുകയാണ്. വാസ്തവത്തിൽ ലക്ഷ്മിയുടെയും വൈകുണ്ഠത്തിന്റെയും സൗന്ദര്യങ്ങളെ വെല്ലുന്ന പരമവിശിഷ്ട സൗന്ദര്യമാണ് ഭഗവാന്റേത്. വൈകുണ്ഠഗ്രഹങ്ങളിലെ ഭഗവാന്റെ ഭക്തന്മാർ ഭഗവാനെ ഏറ്റവും സുന്ദരനായി കാണുവാൻ ആഗ്രഹിക്കുന്നു. എന്നാൽ, ഗോകുലത്തിലെ, അഥവാ കൃഷ്ണലോകത്തിലെ ഭക്തന്മാർക്ക് രാധാറാണിയെ കൃഷ്ണനേക്കാൾസു ന്ദരിയായി കാണാനാണാഗ്രഹം.
(ശ്രീമദ് ഭാഗവതം 3/15/42/ഭാവാർത്ഥം)
🔆🔆🔆🔆🔆🔆🔆🔆🔆🔆🔆🔆🔆🔆🔆🔆
ഹരേ കൃഷ്ണ ഹരേ കൃഷ്ണ കൃഷ്ണ കൃഷ്ണ ഹരേ ഹരേ
ഹരേ രാമ ഹരേ രാമ രാമ രാമ ഹരേ ഹരേ
ഹരേ കൃഷ്ണ 🙏
ഇതുപോലെയുള്ള ആത്മീയ വിഷയങ്ങൾ വായിക്കുവാനായി താഴെക്കാണുന്ന ലിങ്ക് പിൻതുടരുക .
ശുദ്ധ ഭക്തി വാട്സ്ആപ്പ് ഗ്രൂപ്പ്
.jpg){kind=small}
No comments:
Post a Comment