ദ്രവ്യനിർമ്മിതമായ ഈ ഭൗതികലോകത്തിൻ്റെ മേൽനോട്ടം വഹിക്കുന്ന മൂർത്തി ദുർഗ്ഗാദേവിയാണ്. ദേവന്മാർ വിവിധ വിഭാഗങ്ങളുടെ ചുമതലകൾ നിർവഹിക്കുന്ന വ്യത്യസ്‌തരായ മേധാവികൾ മാത്രമാണ്, അവരും അതേ ഭൗതികശക്തിയുടെ സ്വാധീനത്തിലാണ്. എന്നാൽ കൃഷ്ണന്റെ അന്തരംഗ ശക്തികൾക്ക് ഈ ഭൗതികസൃഷ്ടിയുമായി യാതൊരു ബന്ധവുമില്ല. ആധ്യാത്മികലോകവും എല്ലാ ആധ്യാത്മിക പ്രവർത്തനങ്ങളും അന്തരംഗ ആത്മീയശക്തിയുടെ നിയന്ത്രണത്തിലാണ്, അത്തരം പ്രവർത്തനങ്ങൾ നിർവഹിക്കുന്നത് അന്തരംഗശക്തിയായ യോഗമായയാണ്. യോഗമായ പരമദിവ്യോത്തമപുരുഷ ഭഗവാൻ്റെ ആധ്യാത്മിക അഥവാ അന്തരംഗ ശക്തിയാണ്. ആധ്യാത്മിക ലോകത്തിലേക്ക് ഉയർത്തപ്പെടാനും ഭഗവാന്റെ സേവനത്തിൽ മുഴുകുവാനും താല്‌പര്യമുള്ളവർ യോഗമായയുടെ നിയന്ത്രണത്തിൻ കീഴിൽ ആത്മീയ പരിപൂർണ്ണത നേടുന്നു. ഭൗതികമായ ഉയർച്ചയിൽ താത്പര്യമുള്ളവർ ആചാരപരമായ ധർമ്മാനുഷ്ഠാനങ്ങളിലും ഇന്ദ്രിയസുഖം വർധിപ്പിക്കുന്നതിനായി സാമ്പത്തികാഭിവൃദ്ധിക്കുവേണ്ടിയുളള പ്രവർത്തനങ്ങളിലും മുഴുകുന്നു. അവർ ആത്യന്തികമായി ഭഗവാന്റെ അവ്യക്തിഗത അസ്‌തിത്വത്തിൽ ലയിക്കാൻ ഉദ്യമിക്കുന്ന അരൂപവാദികളായി തീരുന്നു. അവർ ശിവനെയോ ദുർഗ്ഗാദേവിയെയോ ആരാധിക്കാൻ താത്പര്യപ്പെടുന്നു, പക്ഷേ അവർക്ക് ലഭിക്കുന്ന പ്രതിഫലം നൂറ്ശതമാനം ഭൗതികമാണ്.
ഗോപികമാരുടെ മാതൃക പിന്തുടർന്ന് ഭക്തന്മാർ ചിലപ്പോൾ കാർത്ത്യായനീ ദേവിയെ ആരാധിക്കാറുണ്ട്, കാർത്ത്യായനി യോഗമായയുടെ ഒര വതാരമാണെന്ന് അവർക്കറിയാം. ഗോപികമാർ കൃഷ്ണനെ ഭർത്താവായി ലഭിക്കാനാണ് കാർത്ത്യായനിയെ, യോഗമായയെ ആരാധിച്ചത്. നേരേമ റിച്ച്, സുരഥനെന്ന് പേരുള്ള ഒരു ക്ഷത്രിയരാജാവും സമാധിയെന്ന ധനികനായ വൈശ്യനും ഭൗതിക പരിപൂർണ്ണതയ്ക്കുവേണ്ടി ദുർഗ്ഗദേവിയുടെ രൂപത്തിൽ ഭൗതികപ്രകൃതിയെ ആരാധിച്ചതായി സപ്ത‌ശാതീ ശാസ്ത്ര ഗ്രന്ഥത്തിൽ പറഞ്ഞിരിക്കുന്നു. യോഗമായയും മഹാമായയും ഒന്നാ ണെന്ന് കരുതി ഒരുവൻ അവരെ കൂട്ടിക്കലർത്തി ആരാധിക്കുന്നപക്ഷം അയാൾ യഥാർത്ഥത്തിൽ ഉയർന്ന ബുദ്ധിയുള്ളവനല്ല. എല്ലാം ഒന്നാ ണെന്ന ആശയം അൽപ്പബുദ്ധികളുടെ ഒരുതരം വിഡ്ഢിത്തമാണെന്നു ചുരുക്കം. യോഗമായയുടെയും മഹാമായയുടെയും ആരാധന ഒന്നു തന്നെയാണെന്ന് മൂഢന്മാരും തെമ്മാടികളും പറയുന്നു. ഈ നിർണ്ണയം വെറും മാനസികമായ അഭ്യൂഹത്തിൻ്റെ ഫലമാണ്, ഇതിന് പ്രായോഗിക മായ ഫലമില്ല. ഭൗതികലോകത്തിൽ ഒരുവൻ ചിലപ്പോൾ അങ്ങേയറ്റം മൂല്യരഹിതമായ ഒരു വസ്‌തുവിന് വളരെ ശ്രേഷ്‌ഠമായ ഒരു നാമം നൽകുന്നു;
(ശ്രീ ചൈതന്യ ചരിതാമൃതം / മദ്ധ്യലീല 8.90 ഭാവാർത്ഥം)
ലോകർക്കു മാതൃക കാട്ടുന്നതിന് ശ്രീചൈതന്യമഹാപ്രഭു വിവിധതീർത്ഥസ്ഥലങ്ങളിലെ ക്ഷേത്രങ്ങൾ സന്ദർശിച്ചു. എവിടെയെല്ലാം സന്ദർശനം നടത്തിയോ അവിടെയെല്ലാം മഹാപ്രഭു പരമദിവ്യോത്തമപുരുഷ നായ ഭഗവാനോടുള്ള തൻ്റെ പ്രേമഭക്തി തൽക്ഷണം പ്രദർശിപ്പിക്കുകയുണ്ടായി. ഒരു വൈഷ്ണവൻ ഒരു ദേവതയുടെ ക്ഷേത്രം സന്ദർശിക്കു മ്പോൾ ആ ദേവനെക്കുറിച്ചുള്ള അദ്ദേഹത്തിൻ്റെ വീക്ഷണം അവ്യക്തിഗ തവാദികളുടെയും മായാവാദികളുടെയും വീക്ഷണത്തിൽ നിന്ന് വ്യത്യസ്‌തമാണ്. ബ്രഹ്മസംഹിത ഇതിനെ പിന്തുണയ്ക്കുന്നു. ഉദാഹരണമായി പരമശിവൻ്റെ ക്ഷേത്രത്തിലേക്കുള്ള ഒരു വൈഷ്‌ണവൻ്റെ സന്ദർശനമെന്നത് ഒരു അഭക്തൻ്റെ സന്ദർശനത്തിൽ നിന്ന് ഭിന്നമാണ്. അഭക്തൻ ശിവ വിഗ്രഹത്തെ സാങ്കൽപ്പികരൂപമായി കണക്കാക്കുന്നു. എന്തുകൊണ്ട് ന്നാൽ നിരപേക്ഷ സത്യം ശൂന്യമാണെന്ന് അയാൾ കരുതുന്നു. എന്നാൽ ഒരു വൈഷ്ണവൻ ശിവനെ പരമപുരുഷനിൽ നിന്നും ഒരേ സമയം ഭിന്നനായും അഭിന്നനായും കാണുന്നു. ഇക്കാര്യത്തിൽ പാലിൻ്റെയും തൈരിന്റെയും ഉദാഹരണം നൽകിയിരിക്കുന്നു. തൈര് വാസ്ത‌വത്തിൽ പാല ല്ലാതെ മറ്റൊന്നുമല്ല, പക്ഷേ അതേ സമയം അത് പാലല്ലതാനും. അത് ഒരേ സമയം പാലിനു തുല്യവും പാലിൽ നിന്ന് വ്യത്യസ്‌തവുമാണ്. ഇതാണ് ശ്രീചൈതന്യമഹാപ്രഭുവിൻ്റെ തത്ത്വശാസ്ത്രം, ഇത് ഭഗവദ്ഗീതയിൽ (9.4) ഭഗവാൻ കൃഷ്ണനാൽ സ്ഥിരീകരിക്കപ്പെട്ടിട്ടുമുണ്ട്:
മയാ തതം ഇദം സർവം ജഗദ് അവ്യക്തമൂർത്തിനാ
മത്സ്ഥാനി സർവഭൂതാനി ന ചാഹം തേഷ്വവസ്ഥിതഃ
"അവ്യക്തമായ രൂപത്തിൽ ഞാൻ ഈ പ്രപഞ്ചമെമ്പാടും വ്യാപിച്ചു നിൽക്കുന്നു. സർവഭൂതങ്ങളും എന്നിലാണ്, ഞാൻ അവയിലല്ല സ്ഥിതി ചെയ്യുന്നത്."
പരമസത്യമായ ഭഗവാൻ എല്ലാമാകുന്നു, എന്നാൽ എല്ലാം ഈശ്വരനാ ണെന്ന് അർത്ഥമാക്കുന്നില്ല. ഇക്കാരണത്താൽ ശ്രീചൈതന്യമഹാപ്രഭുവും അനുയായികളും എല്ലാ ദേവന്മാരുടെ ക്ഷേത്രങ്ങളും സന്ദർശിച്ചിരുന്നു. പക്ഷേ അവർ അവ്യക്തിഗതവാദികൾ കാണുന്ന അതേ രീതിയിലല്ല ദേവന്മാരെ കണ്ടത്. എല്ലാവരും ശ്രീചൈതന്യമഹാപ്രഭുവിൻ്റെ കാലടികൾ പിന്തുടർന്നാണ് എല്ലാ ക്ഷേത്രങ്ങളും സന്ദർശിക്കേണ്ടത്. ഗോപികമാർ കാർത്യായനീ ക്ഷേത്രം സന്ദർശിച്ചത് ഭൗതികരായ ആളുകൾ ദേവീ ക്ഷേത്രം സന്ദർശിക്കുന്നതുപോലെയാണെന്ന് ലൗകികരായ ജനങ്ങൾ ചിലപ്പോൾ കരുതാറുണ്ട്. എന്നാൽ അവർ കാർത്യായനീ ദേവിയോട് പ്രാർത്ഥിച്ചത് കൃഷ്ണനെ അവരുടെ ഭർത്താവായി നൽകണമെന്നാണ്. അതേ സമയം സാധാരണ ജനങ്ങൾ ഭൗതികമായ നേട്ടങ്ങൾക്കുവേണ്ടിയാണ് കാർത്യായനീ ക്ഷേത്രം സന്ദർശിക്കുന്നത്. ഒരു വൈഷ്‌ണവൻ്റെ ക്ഷേത്ര സന്ദർശനവും അഭക്തൻ്റെ ക്ഷേത്രസന്ദർശനവും തമ്മിലുളള വ്യത്യാസം അതാണ്.
(ശ്രീ ചൈതന്യ ചരിതാമൃതം / മദ്ധ്യലീല 9.360 ഭാവാർത്ഥം)
🔆🔆🔆🔆🔆🔆🔆🔆🔆🔆🔆🔆🔆🔆🔆🔆
ഹരേ കൃഷ്ണ ഹരേ കൃഷ്ണ കൃഷ്ണ കൃഷ്ണ ഹരേ ഹരേ
ഹരേ രാമ ഹരേ രാമ രാമ രാമ ഹരേ ഹരേ
ഹരേ കൃഷ്ണ 🙏
ഇതുപോലെയുള്ള ആത്മീയ വിഷയങ്ങൾ വായിക്കുവാനായി താഴെക്കാണുന്ന ലിങ്ക് പിൻതുടരുക .
ശുദ്ധ ഭക്തി വാട്സ്ആപ്പ് ഗ്രൂപ്പ്
.jpg){kind=small}
No comments:
Post a Comment