ഭരണപദ്ധതിയിൽ കാരാഗൃഹം നിർമിക്കുന്ന ഒരു രാജാവിനെ ഒരുവൻ കുറ്റപ്പെടുത്തരുത്. അതുപോലെ, ദുരിതപൂർണമായ, അഥവാ ക്ലേശഭരിതമായ ഈ ലോകം സൃഷ്‌ടിച്ചതിൽ ഒരുവൻ പരമോന്നത ഭഗവാനോട് കഠിനമായ വിസമ്മതം പ്രകടിപ്പിക്കരുത്. ഭരണകൂടത്തിന്റെ നിയമങ്ങൾ ലംഘിക്കുന്നവരെ പാർപ്പിക്കാനുള്ള, സർക്കാരിന് ആവശ്യമായ ആലയമാണ് കാരാഗൃഹം. അതുപോലെ, മിഥ്യയായ ആവിഷ്‌കരണത്തെ അടക്കിഭരിക്കുവാൻ യത്നിക്കുന്നവർക്കും, ഭഗവാനെ വിസ്‌മരിച്ചവർക്കും വേണ്ടിയുള്ള ഭഗവാന്റെറെ താൽക്കാലികമായ സൃഷ്‌ടിയാണ് ദുരിതപൂർണമായ ഈ ഭൗതികലോകം. എങ്കിലും, പതിതാത്മാക്കളെ സ്വഭവനത്തിലേക്ക്, പരമപുരുഷന്റെ അടുത്തേക്ക് തിരികെ വിളിക്കുന്നതിലേക്ക് അദ്ദേഹം സതതം ഉത്സുകനാണ്. ഇതിനുവേണ്ടി അദ്ദേഹം ബദ്ധാത്മാക്കൾക്ക്, ആധികാരികമായ ഗ്രന്ഥങ്ങളിലൂടെയും, അദ്ദേഹത്തിന്റെ പ്രതിനിധികളിലൂടെയും, സ്വന്തം അവതാരങ്ങളിലൂടെയുമൊക്കെ അനവധി അവസരങ്ങൾ നൽകിയിട്ടുണ്ട്. അദ്ദേഹത്തിന് ഈ ഭൗതിക ലോകവുമായി നേരിട്ട് യാതൊരു ബന്ധവുമില്ലായ്കയാൽ, അതിന്റെ സൃഷ്ടിക്ക് അദ്ദേഹത്തെ കുറ്റപ്പെടുത്തുവാനാവുകയില്ല.
(ശ്രീമദ് ഭാഗവതം 2/7/50/ഭാവാർത്ഥം)
🔆🔆🔆🔆🔆🔆🔆🔆🔆🔆🔆🔆🔆🔆🔆🔆
ഹരേ കൃഷ്ണ ഹരേ കൃഷ്ണ കൃഷ്ണ കൃഷ്ണ ഹരേ ഹരേ
ഹരേ രാമ ഹരേ രാമ രാമ രാമ ഹരേ ഹരേ
ഹരേ കൃഷ്ണ 🙏
ഇതുപോലെയുള്ള ആത്മീയ വിഷയങ്ങൾ വായിക്കുവാനായി താഴെക്കാണുന്ന ലിങ്ക് പിൻതുടരുക .
ശുദ്ധ ഭക്തി വാട്സ്ആപ്പ് ഗ്രൂപ്പ്
.jpg){kind=small}
No comments:
Post a Comment