കഴുതയുടെയും കടുവയുടെയും കഥ

 

കഴുത കടുവയോട് പറഞ്ഞു: "പുല്ല് നീലയാണ്.!!

കടുവ മറുപടി പറഞ്ഞു: "പുല്ല് പച്ചയാണ്!

തുടർന്ന് അവർ തമ്മിലുള്ള സംഭാഷണം തീവ്രമായി...

ഇരുവരും സ്വന്തം വാക്കുകളിൽ ഉറച്ചു നിന്നു. ഈ തർക്കം അവസാനിപ്പിക്കാൻ ഇരുവരും വനത്തിലെ രാജാവ് സിംഹത്തിന്റെ അടുക്കൽ എത്തി.!

മൃഗങ്ങളുടെ മധ്യത്തിൽ, സിംഹാസനത്തിൽ സിംഹരാജാവ് ഇരിക്കുകയായിരുന്നു!

കടുവയ്ക്ക് എന്തെങ്കിലും പറയാൻ കഴിയുന്നതിനു മുമ്പ് കഴുത ഉറക്കെ പറഞ്ഞു തുടങ്ങി. 

"അല്ലയോ രാജാവേ, പുല്ല് നീലയാണ്. ഇതല്ലേ ശരി ?"....

സിംഹം പറഞ്ഞു:"അതേ..പുല്ല് നീലയാണ്. "!!

കഴുത: "ഈ കടുവ സമ്മതിക്കുന്നില്ല, മാത്രമല്ല തെറ്റു പറഞ്ഞതിനും എന്നെ ശല്യപ്പെടുത്തിയതിനും ഇവനെ ശിക്ഷിക്കണം."

ഇതു കേട്ട സിംഹ രാജാവ് പ്രഖ്യാപിച്ചു:"

 കടുവയെ അഞ്ച് വർഷം മൗനം ആചരിക്കണം എന്ന് വിധിക്കുന്നു!!

"

രാജാവിന്റെ വിധി കഴുത കേൾക്കുകയും കാട്ടിലൂടെ സന്തോഷത്തിൽ പുല്ലിന്റെ നിറം നീല ആണെന്ന് പറഞ്ഞു കൊണ്ട് തുള്ളിച്ചാടി നടക്കുകയും ചെയ്തു."

കടുവ ശിക്ഷ സ്വീകരിച്ച ശേഷം സിംഹത്തിന്റെ അടുത്തു പോയി ചോദിച്ചു,

 "അല്ലയോ രാജൻ ഇതെന്താണ്? പുല്ല് ശരിക്കും പച്ചയല്ലേ?"

സിംഹം പറഞ്ഞു:"പുല്ലിന്റെ നിറം പച്ചയാണ്." 

കടുവ പറഞ്ഞു:"പിന്നെ എന്തുകൊണ്ട് എന്നെ ശിക്ഷിച്ചു '

സിംഹം മറുപടി പറഞ്ഞു:

"പുല്ല് പച്ചയോ നീലയോ ആയതിനല്ല നിങ്ങൾ ശിക്ഷിക്കപ്പെട്ടത്. മറിച്ച് ആ കഴുതയുമായി വാദപ്രതിവാദത്തിൽ ഏർപ്പെട്ടതിനാണ്.നിങ്ങളെപ്പോലെ ബുദ്ധിയും ധീരനുമായ ഒരു ജീവി കഴുതയുമായി വാക് തർക്കതിൽ ഏർപ്പെട്ടതിനും എന്നെ കൂടി ബുദ്ധിമുട്ടിച്ചതിനുമാണ് നിങ്ങളെ ശിക്ഷിക്കുന്നത്"

ഏറ്റവും വലിയ സമയ നഷ്ടം എന്നത് സത്യവും, യാഥാർഥ്യവും മനസ്സിലാക്കാൻ ശ്രമിക്കാത്ത ഒരു വിഡ്ഢിയോട് തർക്കത്തിൽ ഏർപ്പെടുന്നതാണ്. ഒരിക്കലും പൊരുളില്ലാത്ത ചർച്ചകളിൽ സമയം കളയരുത്. ചില ആളുകൾക്ക് എത്ര തെളിവുകൾ നൽകിയാലും, മനസ്സിലാക്കുവാനുള്ള കഴിവില്ലാതെ അഹങ്കാരവും, വെറുപ്പും കാരണം സ്വയം ശരി ആണെന്ന് മാത്രം വാദിക്കുവാൻ ആണ് താല്പര്യം. അജ്ഞത അലറുമ്പോൾ, ബുദ്ധി മിണ്ടാതിരിക്കുന്നു. നിങ്ങളുടെ മന:ശ്ശാന്തി ആണ് ഏറ്റവും പ്രധാനപ്പെട്ടത്.

ശുദ്ധഭക്തന്റ ലക്ഷണങ്ങൾ

യത്രോത്തമശ്ലോകഗുണാനുവാദഃ 

പ്രസ്‌തുയതേ ഗ്രാമ്യകഥാവിഘാതഃ 

നിഷേവ്യമാണോfനുദിനം മുമുക്ഷോർ-

മതിം സതീം യച്ഛതി വാസുദേവേ.

വിവർത്തനം

പരിശുദ്ധ ഭക്തന്മാരെന്ന് ഇവിടെ സൂചിപ്പിച്ചിട്ടുളളത് ആരെയൊക്കെയാണ്? പരിശുദ്ധ ഭക്തന്മാരുടെ ഒരു സഭയിൽ രാഷ്ട്രീയവും സാമൂഹിക ശാസ്ത്രവും പോലുള്ള വിഷയങ്ങൾ ചർച്ച ചെയ്യുന്ന പ്രശ്നമേ ഉദിക്കു ന്നില്ല. പരിശുദ്ധ ഭക്തന്മാരുടെ സഭയിൽ പരമദിവ്യോത്തമപുരുഷനായ ഭഗവാൻ്റെ ഗുണങ്ങളും, രൂപങ്ങളും, ലീലകളും മാത്രമേ ചർച്ച ചെയ്യപ്പെടുകയുളളു. അദ്ദേഹം വളരെ ശ്രദ്ധാപൂർവം സ്‌തുതിക്കപ്പെടുകയും ആരാധിക്കപ്പെടുകയും ചെയ്യുന്നു. പരിശുദ്ധ ഭക്തന്മാരുടെ സഹവാസത്തിൽ അത്തരം വിഷയങ്ങൾ ആദരവോടെ നിരന്തരം ശ്രവിക്കുന്ന, ആത്യന്തിക സത്യത്തിൻ്റെ അസ്‌തിത്വത്തിൽ അലിഞ്ഞുചേരാൻ ആഗ്രഹിക്കുന്ന ഒരു വ്യക്തിപോലും ക്രമേണ വാസുദേവൻ്റെ സേവനത്തിലേക്ക് ആകർഷിക്ക പ്പെടും.

ഭാവാർത്ഥം

പരിശുദ്ധ ഭക്തരുടെ ലക്ഷണങ്ങൾ ഈ ശ്ലോകത്തിൽ വിവരിച്ചിരിക്കുന്നു. പരിശുദ്ധനായ ഒരു ഭക്തന് ഭൗതിക വിഷയങ്ങളിൽ ഒരിക്കലും താൽപര്യം ഉണ്ടായിരിക്കില്ല. ശ്രീ ചൈതന്യ മഹാപ്രഭു അദ്ദേഹത്തിന്റെ ഭക്തന്മാരെ ലൗകിക വിഷയങ്ങൾ സംസാരിക്കുന്നതിൽ നിന്ന് കർശനമായി വിലക്കിയിട്ടുണ്ട്. ഗ്രാമ്യ-വാർതാ നാ കഹിബേഃ ഒരുവൻ അനാവശ്യമായി ഭൗതികലോകത്തിൻ്റെ വർത്തമാനങ്ങളിൽ ഏർപ്പെടരുത്. ഈ രീതിയിൽഅവൻ സമയം പാഴാക്കരുത്. ഭക്തൻ്റെ ജീവിതത്തിൽ ഏറ്റവും പ്രധാനപ്പെ ട്ടൊരു കാര്യമാണിത്. ഒരു ഭക്തന് കൃഷ്ണനെ, പരമദിവ്യോത്തമപുരുഷനായ ഭഗവാനെ സേവിക്കുകയെന്നതല്ലാതെ മറ്റൊരാഗ്രഹവുമില്ല. ഭഗവാനെ ഇരുപത്തിനാലു മണിക്കൂറും സേവിക്കുന്നതിലും മഹത്ത്വീകരിക്കുന്നതിലും ജനങ്ങളെ മുഴുകിപ്പിക്കാൻ വേണ്ടിയാണ് ഈ കൃഷ്ണാവബോധ പ്രസ്ഥാനം ആരംഭിച്ചത്. ഈ സ്ഥാപനത്തിലെ ശിഷ്യഗണങ്ങൾ രാവിലെ അഞ്ചു മണിക്ക് ആരംഭിക്കുന്ന കൃഷ്‌ണാവബോധ പരിപോഷണം രാത്രി പത്തു മണിവരെ തുടരുന്നു. വാസ്ത‌വത്തിൽ അവർക്ക് അനാവശ്യമായ രാഷ്ട്രീയവും, സാമൂഹിക ശാസ്ത്രവും, ആനുകാലിക കാര്യങ്ങളും ചർച്ച ചെയ്യാൻ അവസരമേ ഇല്ല. അവ അവയുടെ വഴിയിലൂടെ സഞ്ചരിക്കും. കൃഷ്‌ണനെ നിഷ്‌കർഷയോടെയും, ഗൗരവപൂർണമായും സേവിക്കുക എന്നതു മാത്രമാണ് അവൻ്റെ താൽപര്യം.

(ശ്രീമദ് ഭാഗവതം 5.12.13 / ഭാവാർത്ഥം)

🔆🔆🔆🔆🔆🔆🔆🔆🔆🔆🔆🔆🔆🔆🔆🔆

ഹരേ കൃഷ്ണ ഹരേ കൃഷ്ണ കൃഷ്ണ കൃഷ്ണ ഹരേ ഹരേ

ഹരേ രാമ ഹരേ രാമ രാമ രാമ ഹരേ ഹരേ

🔆🔆🔆🔆🔆🔆🔆🔆🔆🔆🔆🔆🔆🔆🔆🔆

ഹരേ കൃഷ്ണ 🙏

ഇതുപോലെയുള്ള ആത്മീയ വിഷയങ്ങൾ വായിക്കുവാനായി താഴെക്കാണുന്ന ലിങ്ക് പിൻതുടരുക .

ശുദ്ധ ഭക്തി വാട്സ്ആപ്പ് ഗ്രൂപ്പ് 

  ശുദ്ധ ഭക്തി ടെലഗ്രാം ഗ്രൂപ്പ്  

 www.suddhabhaktimalayalam.com