സർവവും ഭഗവദ് സേവനത്തിൽ

ഒരുവൻ തന്റെ ഇന്ദ്രിയ സംതൃപ്തിക്കു വേണ്ടി ഉപയോഗിക്കാൻ ഉദ്ദേശിക്കുന്നതിനെ ഭൗതിക സമ്പത്തെന്ന് വിളിക്കുന്നു, അതേസമയം ഭഗവാന്റെ പ്രേമ സേവനത്തിനു വേണ്ടി ഉപയോഗിക്കുന്ന സാമഗ്രികൾ ആധ്യാത്മികമാണെന്ന് മനസ്സിലാക്കണം. ഒരുവൻ തന്റെ മുഴുവൻ സ്വത്ത് വകകളും ഭഗവാന്റെ ഭക്തിയുതസേവനത്തിനു വേണ്ടി ഉപയോഗിക്കുന്നതിലൂടെ ഉപേക്ഷിക്കണം. ആഡംബരപൂർണമായ ഒരു ബംഗ്ലാവിന്റെ ഉടമയായ ഒരു വ്യക്തി അവിടെ ഭഗവാന്റെ വിഗ്രഹം പ്രതിഷ്ഠിച്ച് കൃഷ്ണാവബോധം പ്രചരിപ്പിക്കുന്നതിന് പതിവായി പരിപാടികൾ നടത്തണം. അതുപോലെ ധനം ഭഗവാന്റെ ക്ഷേത്രങ്ങൾ നിർമിക്കുന്നതിനും, ഭഗവാനെ ശാസ്ത്രീയമായി വിവരിക്കുന്ന സാഹിത്യം പ്രസിദ്ധീകരിക്കുന്നതിനും വിനിയോഗിക്കണം. സമ്പദ് ദ്രവ്യങ്ങൾ ഭഗവാന്റെ സേവനത്തിനു വേണ്ടി ഉപയോഗിക്കാതെ അന്ധമായി പരിത്യജിക്കുന്ന ഒരുവൻ സർവവും ഭഗവാന്റെ സ്വന്തമാണെന്ന് മനസ്സിലാക്കുന്നില്ല. അത്തരം അന്ധമായ പരിത്യാഗം, “ഈ സ്വത്ത് എന്റേ താണ് എന്നാൽ എനിക്കിത് ആവശ്യമില്ല” എന്ന ഭൗതിക മനോഭാവത്തിന്റെ അടിസ്ഥാനത്തിലുളളതാണ്. എല്ലാം വാസ്തവത്തിൽ ഭഗവാന്റെ സ്വന്തമാണ്; ഇതറിയുന്ന ഒരുവൻ ഈ ലോകത്തിലെ വസ്തുക്കൾ ആസ്വദിക്കാനോ നിരാകരിക്കാനോ ശ്രമിക്കുന്നില്ല. പകരം അവയെ ശാന്തിപൂർവം ഭഗവദ് സേവനത്തിൽ ഏർപ്പെടുത്തുന്നു.


( ശ്രീമദ്‌ ഭാഗവതം 11/23/23/ഭാവാർത്ഥം )

ഭൗതികവും ആധ്യാത്മികവുമായ കാഴ്ചപ്പാടുകൾ തമ്മിലുള്ള വ്യത്യാസത്തെയും യഥാർത്ഥ പരിത്യാഗത്തിന്റെ തത്വത്തെയും കുറിച്ച് വിവരിച്ചുകൊണ്ട്, സർവവും ഭഗവാൻ ശ്രീക്രിഷ്ണന്റെ സേവനത്തിനായി സമർപ്പിക്കേണ്ടതിന്റെ പ്രാധാന്യത്തെക്കുറിച്ച് ഈ ഭാഗത്ത് വിശദീകരിക്കുന്നു.

ശ്ലോക സന്ദർഭം

ശ്രീമദ് ഭാഗവതത്തിലെ ഈ ഭാഗത്ത്, അവധൂതനായ ഭിക്ഷു തന്റെ മനസ്സിനെ നിയന്ത്രിക്കുന്നതിനെക്കുറിച്ചും ഭഗവാൻ ശ്രീക്രിഷ്ണനോടുള്ള ഭക്തിയെക്കുറിച്ചും സ്വന്തം അനുഭവങ്ങളിലൂടെ വിവരിക്കുകയാണ്. ഭൗതിക സുഖഭോഗങ്ങളിൽ നിന്നും അവയുടെ നിരസനത്തിൽ നിന്നും മുക്തനായി, എല്ലാം ഭഗവാൻ ശ്രീക്രിഷ്ണന്റെ സ്വന്തമാണെന്ന് തിരിച്ചറിഞ്ഞ് എങ്ങനെ ജീവിക്കണമെന്ന് ഈ സന്ദർഭത്തിൽ വ്യക്തമാക്കുന്നു.

വിഷയം

▪️ഒരുവൻ തന്റെ സ്വന്തം ഇന്ദ്രിയ സംതൃപ്തിക്കായി ഉപയോഗിക്കാൻ ഉദ്ദേശിക്കുന്നതെന്തോ അതിനെ ഭൗതിക സമ്പത്തായി കണക്കാക്കണം.

▪️ഭഗവാൻ ശ്രീക്രിഷ്ണന്റെ പ്രേമ സേവനത്തിനായി വിനിയോഗിക്കുന്ന വസ്തുക്കളെല്ലാം ആധ്യാത്മികമാണെന്ന് മനസ്സിലാക്കേണ്ടതുണ്ട്.

▪️ഒരുവൻ തന്റെ മുഴുവൻ സ്വത്ത് വകകളും ഭഗവാന്റെ ഭക്തിയുതസേവനത്തിനായി ഉപയോഗിച്ചുകൊണ്ട് വേണം അവയെ ഉപേക്ഷിക്കാൻ.

▪️ ആഡംബരപൂർണ്ണമായ ഒരു ബംഗ്ലാവുള്ള വ്യക്തി, അവിടെ ഭഗവാന്റെ വിഗ്രഹം പ്രതിഷ്ഠിക്കുകയും കൃഷ്ണാവബോധം പ്രചരിപ്പിക്കുന്നതിനായുള്ള പരിപാടികൾ പതിവായി നടത്തുകയും വേണം.

▪️തനിക്കുള്ള ധനം ഭഗവാന്റെ ക്ഷേത്രങ്ങൾ നിർമ്മിക്കുന്നതിനും, ഭഗവാനെ ശാസ്ത്രീയമായി വിവരിക്കുന്ന സാഹിത്യങ്ങൾ പ്രസിദ്ധീകരിക്കുന്നതിനുമായി വിനിയോഗിക്കേണ്ടതാണ്.

▪️സമ്പദ്‌ദ്രവ്യങ്ങൾ ഭഗവാന്റെ സേവനത്തിനായി ഉപയോഗിക്കാതെ അന്ധമായി വെടിയുന്നവൻ സർവവും ഭഗവാന്റെ സ്വന്തമാണെന്ന പരമമായ സത്യം മനസ്സിലാക്കുന്നില്ല.

▪️”ഈ സ്വത്ത് എന്റേതാണ്, എന്നാൽ എനിക്കിത് ആവശ്യമില്ല” എന്ന് ചിന്തിക്കുന്നത് ഭൗതിക മനോഭാവത്തിന്റെ അടിസ്ഥാനത്തിലുള്ള തെറ്റായ പരിത്യാഗമാണ്.

എല്ലാം വാസ്തവത്തിൽ ഭഗവാൻ ശ്രീക്രിഷ്ണന്റെ സ്വന്തമാണെന്ന് പൂർണ്ണമായി അറിയുന്ന ഒരു വ്യക്തി ഈ ലോകത്തിലെ വസ്തുക്കളെ സ്വന്തമായി ആസ്വദിക്കാനോ അല്ലെങ്കിൽ അവയെ വെറുപ്പോടെ നിരാകരിക്കാനോ ശ്രമിക്കില്ല. പകരം, അവയെല്ലാം തികച്ചും ശാന്തിപൂർവ്വം ഭഗവദ് സേവനത്തിൽ ഏർപ്പെടുത്തുകയാണ് ചെയ്യുന്നത് എന്ന ചിന്തയോടെ വേണം നാം മുന്നോട്ട് നീങ്ങാൻ.


🔆🔆🔆🔆🔆🔆🔆🔆🔆🔆🔆🔆

ഹരേ കൃഷ്ണ ഹരേ കൃഷ്ണ
കൃഷ്ണ കൃഷ്ണ ഹരേ ഹരേ
ഹരേ രാമ ഹരേ രാമ
രാമ രാമ ഹരേ ഹരേ

🔆🔆🔆🔆🔆🔆🔆🔆🔆🔆🔆🔆