ആനന്ദം

ഈ ഭൗതിക ലോകത്തിലെ എല്ലാവരും ദുരിതപൂർണമായ അവസ്ഥകളാൽ ദൂഃഖിതരാണ്, പക്ഷേ ഈ ലോകം സന്തോഷപൂർണമാണെന്ന് പ്രബോധാനന്ദ സരസ്വതി പറയുന്നു. ഇതെങ്ങനെ സാധ്യമാകും? അദ്ദേഹം ഉത്തരം നൽകുന്നു , യത് – കാരുണ്യ – കടാക്ഷ – വൈഭവവതാം തം ഗൗരം ഏവ സ്തുമഃ ഒരു ഭക്തന് ശ്രീ ചൈതന്യ മഹാപ്രഭുവിന്റെ അകാരണമായ കാരുണ്യം ഒന്നുകൊണ്ടു മാത്രം ദുഃഖത്തെ സുഖമായി സ്വീകരിക്കുന്നു. ശ്രീ ചൈതന്യ മഹാപ്രഭു ഒരിക്കലും ദുഃഖിച്ചിരുന്നില്ലെന്നും, മറിച്ച് എല്ലായ്പ്പോഴും ഹരേ കൃഷ്ണ മഹാമന്ത്രം ജപിച്ച് സന്തോഷത്തിലായിരുന്നെന്നും അദ്ദേഹത്തിന്റെ വ്യക്തിപരമായ പെരുമാറ്റത്തിലൂടെ പ്രകടമാക്കിയിരുന്നു. ഒരുവൻ ശ്രീ ചൈതന്യ മഹാപ്രഭുവിന്റെ കാലടികൾ പിന്തുടരുകയും, ഹരേ കൃഷ്ണ, ഹരേ കൃഷ്ണ, കൃഷ്ണ കൃഷ്ണ ഹരേ ഹരേ/ ഹരേ രാമ, ഹരേ രാമ, രാമ രാമ, ഹരേ ഹരേ മഹാമന്ത്ര ജപത്തിൽ നിരന്തരം മുഴുകുകയും ചെയ്യണം. അപ്പോൾ അവന് ദ്വൈതത്തിന്റെ ഈ ലോകത്തിലെ ദുഃഖം ഒരിക്കലും അനുഭവപ്പെടുകയില്ല. ഭഗവാന്റെ ദിവ്യനാമം ജപിക്കുന്നപക്ഷം ഒരാൾക്ക് ജീവിതത്തിന്റെ ഏതവസ്ഥയിലും സന്തോഷവാനാകാൻ സാധിക്കും.  


( ശ്രീമദ് ഭാഗവതം 6/17/22/ ഭാവാർത്ഥം )

🔆🔆🔆🔆🔆🔆🔆🔆🔆🔆

ഹരേ കൃഷ്ണ ഹരേ കൃഷ്ണ
കൃഷ്ണ കൃഷ്ണ ഹരേ ഹരേ
ഹരേ രാമ ഹരേ രാമ
രാമ രാമ ഹരേ ഹരേ

🔆🔆🔆🔆🔆🔆🔆🔆🔆🔆