തുംഗവിദ്യാദേവി

തുംഗവിദ്യാദേവി വൃന്ദാവനത്തിലെ അഷ്ടസഖികളിൽ അഞ്ചാമത്തെ ഗോപിയാണ്. അവൾ ശ്രീമതി രാധാ റാണിയെക്കാൾ അഞ്ച് ദിവസം മുതിർന്ന വ്യക്തിയാണ് തുംഗവിദ്യാദേവി. ദേവിയുടെ ശരീരത്തിൽ നിന്നുള്ള സുഗന്ധം ചന്ദനത്തിന്റെയും കർപ്പൂരത്തിന്റെയും മിശ്രിതം പോലെ മധുരവും ദിവ്യവുമാണ്. ദേഹവർണ്ണം കുങ്കുമം പോലെ ചുവന്നതാണ്. അവർ ധരിക്കുന്ന വസ്ത്രം നീലയും മഞ്ഞയും ചേർന്ന നിറത്തിലുള്ളതാണ്.

അവരുടെ പിതാവ് പുഷ്കരൻ, മാതാവ് മേധാ, ഭർത്താവ് ബാലിസൻ.

തുംഗവിദ്യാദേവി, പതിനെട്ടു വിധ ജ്ഞാനശാഖകളിലും പ്രാവീണ്യം നേടിയ ഗോപിയാണ്. ഔഷധസസ്യങ്ങളെയും തോട്ടംപരിപാലനത്തെയും കുറിച്ചുള്ള അറിവിൽ അവർ വിദഗ്ധയാണ്. അതേസമയം, അതീന്ദ്രിയ പ്രേമരസങ്ങൾക്കും സദാചാരത്തിലും വിദഗ്ദയാണ്.

കൃഷ്ണന്റെ പൂർണ്ണമായ വിശ്വാസം തുംഗവിദ്യാദേവി ആസ്വദിക്കുന്നു. സഖിമാരുടെ ഇടയിലെ കൂട്ടുകെട്ടുകൾ സ്ഥാപിക്കാൻ വേണ്ട ഒത്തുതീർപ്പുകളുടെ രൂപകല്പന ചെയ്യുന്നതിലും അവൾ വലിയ വിദഗ്ധയാണ്.
സംഗീതം, നാടകശൈലി, മൃദംഗം, വീണ തുടങ്ങിയ സംഗീതോപകരണങ്ങൾ എന്നിവയിലായി ദേവിക്ക് അതുല്യമായ പ്രാവീണ്യം ഉണ്ട്.

രണ്ട് എതിർപക്ഷങ്ങളിൽ നിൽക്കുന്ന ഗോപികമാർ തമ്മിൽ നയതന്ത്രപരമായി സഹകരണം സൃഷ്ടിച്ചെടുക്കുന്ന, മഞ്ജുമേധാ ദേവിയുടെ നേതൃത്വത്തിലുള്ള എട്ട് സന്ദേശവാഹകരായ ഗോപികമാരുടെ ചുമതല തുംഗവിദ്യാദേവി വഹിക്കുന്നു. കൂടാതെ, നദികളിൽ നിന്ന് വെള്ളംകൊണ്ടുവരുന്ന സേവനങ്ങളിൽ നിയോഗിക്കപ്പെട്ട ഗോപിമാരുടെയും അധിപയാണ്.