അഷ്ടസഖികൾ

അഷ്ടസഖികൾ (എട്ട് പ്രധാന ഗോപികമാർ)

ലളിത
വിശാഖ
ചമ്പകലത
ചിത്ര
തുംഗവിദ്യ
ഇന്ദുലേഖ
രംഗദേവി
സുദേവി

ശ്രീമതി രാധാറാണിയുടെ ഏറ്റവും പ്രമുഖരും പ്രിയങ്കരരും അത്യന്തം വല്ലഭരുമായ സഖിമാരാണ് ഈ എട്ടു ഗോപികമാർ. ലോകത്തിൽ ഇവർ ‘അഷ്ടസഖികൾ’ (പ്രധാനപ്പെട്ട എട്ടുപേർ), ‘പരമപ്രേഷ്ഠ ഗോപികമാർ’ (ഏറ്റവും പ്രിയപ്പെട്ടവർ) അഥവാ ‘വരിഷ്ഠ ഗോപികമാർ’ (ശ്രേഷ്ഠരായവർ) എന്നറിയപ്പെടുന്നു. ലളിത, വിശാഖ, ചിത്ര, ചമ്പകലത, തുംഗവിദ്യ, ഇന്ദുലേഖ, രംഗദേവി, സുദേവി എന്നിവരാണ് ഈ അഷ്ടസഖികൾ. രാധാകൃഷ്ണന്മാരോടുള്ള ആത്മീയ പ്രേമത്തിന്റെ പരകോടിയാണ് ഈ അഷ്ടസഖികൾ പ്രകടമാക്കുന്നത്. ദിവ്യദമ്പതികളോട് ഇവർ പുലർത്തുന്ന അനന്യമായ പ്രേമത്തിന് തുല്യമാകാനോ അതിനെ അതിശയിക്കാനോ ആർക്കും സാധ്യമല്ല. രാധാകൃഷ്ണന്മാരുടെ ദിവ്യ ആനന്ദത്തെ വർദ്ധിപ്പിക്കുന്നതിനായി, ഈ പരമപ്രേഷ്ഠ ഗോപികമാർ പക്ഷപാതിത്വം കാണിക്കാറുണ്ട്; ചിലപ്പോൾ അവർ കൃഷ്ണനെയും മറ്റു ചിലപ്പോൾ രാധയെയും പിന്തുണയ്ക്കുന്നു.

ഈ എട്ടു ഗോപികമാരാണ് മറ്റെല്ലാ ഗോപികമാരുടെയും നായികമാർ. ഏതൊരു കാലത്തിലും ദേശത്തിലും അവസ്ഥയിലായാലും, ദിവ്യദമ്പതികളോട് ഈ ഗോപികമാർക്കുള്ള പരമോന്നതവും തീവ്രവുമായ പ്രേമം എപ്പോഴും സുവ്യക്തമായി ദൃശ്യമാണ്. കോടിക്കണക്കിന് വരുന്ന മറ്റ് ഗോപികമാരുടെ നേതാക്കളായ ഈ വരിഷ്ഠ ഗോപികമാർ, ശ്രീമതി രാധാറാണിയുടെ പ്രേമം നേടിയെടുക്കാൻ അത്യധികം കൊതിക്കുന്നവരും സാധ്യമായ എല്ലാ വഴികളിലൂടെയും അവിടുത്തെ പ്രീതിപ്പെടുത്താൻ നിരന്തരം പരിശ്രമിക്കുന്നവരുമാണ്.


🔆🔆🔆🔆🔆🔆🔆🔆🔆🔆🔆

ഹരേ കൃഷ്ണ ഹരേ കൃഷ്ണ
കൃഷ്ണ കൃഷ്ണ ഹരേ ഹരേ
ഹരേ രാമ ഹരേ രാമ
രാമ രാമ ഹരേ ഹരേ

🔆🔆🔆🔆🔆🔆🔆🔆🔆🔆🔆