ശ്രീ ഭഗവാനുവാച
മയ്യാവേശ്യ മനോ യേ മാം നിത്യയുക്താ ഉപാസതേ
ശ്രദ്ധയാ പരയോപേതാസ് തേ മേ യുക്തതമാ മതാഃ
പരമദിവ്യോത്തമപുരുഷൻ പറഞ്ഞു. എന്റെ വ്യക്തിരൂപത്തിൽ തന്നെ മനസ്സുറപ്പിച്ച് അതീന്ദ്രിയമായ ദൃഢവിശ്വാസത്തോടെ എല്ലായ്പ്പോഴും എന്നെ ആരാധിക്കുന്നതിൽ മുഴുകിയിരിക്കുന്നവരാണ് ഏറ്റവും പരിപൂർണ്ണതയുള്ളവരെന്ന് ഞാൻ കരുതുന്നു.
തന്റെ വ്യക്തിരൂപത്തിൽ മനസ്സിനെ ഏകാഗ്രീകരിച്ച് ഭക്തിശ്രദ്ധകളോടെ ആരാധിക്കുന്നവരാണ് യോഗത്തിൽ പൂർണ്ണത കൈവരിച്ചവരെന്ന് അർജുനന്റെ ചോദ്യത്തിന് വ്യക്തമായി കൃഷ്ണൻ ഉത്തരം നൽകുന്നു. അങ്ങനെ കൃഷ്ണാവബോധമുറച്ച ഒരാൾക്ക് ഭൗതിക പ്രവർത്തനങ്ങളില്ല. അയാൾ എല്ലാം കൃഷ്ണാർപ്പണമായാണ് ചെയ്യുന്നത്. ശുദ്ധഭക്തൻ എല്ലായ്പ്പോഴും കൃഷ്ണോപാസനയിൽ ഏർപ്പെട്ടിരിക്കും, ചിലപ്പോൾ അയാൾ ജപിക്കുന്നു. കൃഷ്ണനെക്കുറിച്ച് കേൾക്കുകയോ വായിക്കുകയോ ചെയ്യുന്നു. ചിലപ്പോൾ പ്രസാദം പാകംചെയ്യുന്നു, ചന്തയിൽപ്പോയി കൃഷ്ണണനുവേണ്ടി സാധനങ്ങൾ വാങ്ങുന്നു. ചില പ്പോൾ ക്ഷേത്രമോ, പാത്രങ്ങളോ കഴുകി വെടിപ്പാക്കുന്നു. എന്തു തന്നെചെയ്യുന്നതും കൃഷ്ണണനുവേണ്ടിയാണ്. കൃഷ്ണനർപ്പിക്കപ്പെടാത്ത കർമ്മങ്ങളിലേർപ്പെട്ട ഒരു നിമിഷംപോലും അയാൾ പാഴാക്കുകയില്ല. ഇപ്രകാരമുള്ള പ്രവർത്തനം തന്നെയാണ് ശരിയായ സമാധി.
(ഭഗവദ് ഗീതാ യഥാരൂപം / അദ്ധ്യായം പന്ത്രണ്ട് / ശ്ലോകം 2)
പ്രധാന ആശയങ്ങൾ
യോഗത്തിലെ പൂർണ്ണത: ഭഗവാൻ കൃഷ്ണന്റെ (പരമദിവ്യോത്തമപുരുഷൻ) വ്യക്തിരൂപത്തിൽ തന്നെ മനസ്സ് ഉറപ്പിക്കുകയും, അതീന്ദ്രിയമായ ദൃഢവിശ്വാസത്തോടെ (ശ്രദ്ധയാ പരയോപേതാഃ) എല്ലായ്പ്പോഴും തന്നെ ആരാധിക്കുകയും ചെയ്യുന്നവരാണ് ഏറ്റവും പരിപൂർണ്ണതയുള്ള യോഗികൾ (യുക്തതമാഃ) എന്ന് കൃഷ്ണൻ പ്രഖ്യാപിക്കുന്നു.
കൃഷ്ണാവബോധം : യോഗത്തിൽ പൂർണ്ണത കൈവരിച്ച ഒരാൾക്ക് ഭൗതികമായ സ്വന്തം താല്പര്യങ്ങൾക്കുവേണ്ടിയുള്ള പ്രവർത്തനങ്ങൾ ഉണ്ടാകില്ല. അയാൾ ചെയ്യുന്നതെല്ലാം കൃഷ്ണാർപ്പണമായിട്ടാണ് ചെയ്യുന്നത്.
ശുദ്ധഭക്തന്റെ നിത്യകർമ്മങ്ങൾ: ശുദ്ധഭക്തൻ എല്ലാ സമയത്തും കൃഷ്ണോപാസനയിൽ (കൃഷ്ണനെ ആരാധിക്കുന്നതിൽ) ഏർപ്പെട്ടിരിക്കും. ഈ ആരാധന പല രൂപത്തിലാകാം:
1) ജപം: കൃഷ്ണന്റെ നാമങ്ങൾ ജപിക്കൽ.
2) ശ്രവണം/വായന: കൃഷ്ണനെക്കുറിച്ച് കേൾക്കുകയോ വായിക്കുകയോ ചെയ്യുക.
3) സേവനം: കൃഷ്ണനുവേണ്ടി പ്രസാദം പാകംചെയ്യുക, സാധനങ്ങൾ വാങ്ങുക, ക്ഷേത്രമോ പാത്രങ്ങളോ കഴുകി വൃത്തിയാക്കുക തുടങ്ങിയ കാര്യങ്ങൾ ചെയ്യുക.
സമയത്തിന്റെ വിനിയോഗം: ഒരു ശുദ്ധഭക്തൻ കൃഷ്ണനർപ്പിക്കപ്പെടാത്ത കർമ്മങ്ങളിലേർപ്പെട്ട് ഒരു നിമിഷം പോലും പാഴാക്കുകയില്ല.
ശരിയായ സമാധി: കൃഷ്ണനുവേണ്ടി ചെയ്യുന്ന ഈ രൂപത്തിലുള്ള പ്രവർത്തനം തന്നെയാണ് ശരിയായ സമാധി (സ്ഥിരമായ ആത്മീയ ധ്യാനം/ഏകാഗ്രത).
🔆🔆🔆🔆🔆🔆🔆🔆🔆
ഹരേ കൃഷ്ണ ഹരേ കൃഷ്ണ കൃഷ്ണ കൃഷ്ണ ഹരേ ഹരേ
ഹരേ രാമ ഹരേ രാമ രാമ രാമ ഹരേ ഹരേ
🔆🔆🔆🔆🔆🔆🔆🔆🔆
About The Author
Discover more from ശുദ്ധ ഭക്തി
Subscribe to get the latest posts sent to your email.
ഹരേ കൃഷ്ണ ഹരേ കൃഷ്ണ🙏🙏🙏 കൃഷ്ണ കൃഷ്ണ ഹരേ ഹരേ രാമ ഹരേ രാമ രാമ രാമ ഹരേ🙏🙏🙏