സർവ്വജ്ഞൻ / ശ്രീ കൃഷ്ണ ഗുണാമൃതം (ഭാഗം 1)

ശ്രീ കൃഷ്ണ ഗുണാമൃതം
ശ്രീമദ് ഭാഗവതം പത്താം സ്‌കന്ധത്തിൽ നിന്നുള്ള പരാമർശങ്ങൾ


നമസ്തസ്മൈ ഭഗവതേ കൃഷ്ണായാകുണ്ഠമേധസേ
സ്വയോഗമായയാഛന്നമഹിമ്നേ പരമാത്മനേ

വിവർത്തനം
അമേയമായ ബുദ്ധിയോടു കൂടിയവനും തന്റെ യോഗമായാശക്തിയാൽ സ്വന്തം മഹത്വത്തെ മറച്ചവനുമായ പരമദിവ്യോത്തമ പുരുഷൻ, കൃഷ്ണന് നമ്മുടെ പ്രണാമങ്ങളർപ്പിക്കാം.

ഭാവാർത്ഥം

ഭഗവാനെ പൂജിക്കുന്നതുകൊണ്ട് ഭാവിയിൽ അനേകം നേട്ടങ്ങളുണ്ടാകും. പക്ഷേ അതിനപ്പുറം താൻ ആശ്രിതനും സേവകനുമാണെന്ന് അംഗീകരിച്ചുകൊണ്ട് ഭഗവാനെ വണങ്ങുകയെന്നത് ഒരുവന്റെ സുപ്രധാന കടമ കൂടിയാണ്. ഭഗവാൻ കൃഷ്ണൻ ശുപാർശ ചെയ്യുന്നത് കാണുക: (ഭഗവദ്ഗീത 9.34)

മന്മനാ ഭവ മദ്ഭക്തോ മദ്യാജീ മാം നമസ്കുരു
മാമേവൈഷ്യസി യുക്ത്വൈവമാത്മാനം മത്പരായണഃ

“എന്നിൽ മനസ്സുറപ്പിക്കുക; ഭക്തനാവുക; എന്നെ ആരാധിക്കുകയും പ്രണമിക്കുകയും ചെയ്യുക. എന്നിൽത്തന്നെ പൂർണ്ണമായി മുഴുകിയിരിക്കുന്നതുകൊണ്ട് നീ തീർച്ചയായും എന്നെ പ്രാപിക്കും.”